06.10.2026 | 16:53
Գերմանիայի հետախուզական ծառայության նախկին ղեկավարը ձերբակալվել է լրտեսության կասկածանքով
ԵՄ-ն հաջորդ շաբաթ կհրապարակի Իսրայելի դեմ պատժամիջոցները
Քաղաքականություն
05.07.2025 | 14:25
Հաջորդ շաբաթ եվրոպական դիվանագիտության ղեկավար Կայա Կալլասը կհայտարարի Իսրայելի դեմ սահմանափակող միջոցառումների տարբերակների մասին՝ կապված Գազայի հատվածում նրա ռազմական գործողության հետ։ Այս մասին հաղորդում է Euractiv պորտալը՝ հղում անելով աղբյուրներին։
Նշվում է, որ քննարկվում են մի քանի սցենարներ, այդ թվում՝ Իսրայելի և ԵՄ-ի միջև Ասոցացման համաձայնագրի լրիվ կամ մասնակի կասեցում, պատժամիջոցներ պաշտոնյաների, զինվորականների և վերաբնակեցվածների նկատմամբ։ Բացի այդ, աղբյուրների համաձայն, ԵՄ-ն կարող է սահմանափակել Իսրայելի հետ առևտուրը, էմբարգո սահմանել զենքի մատակարարման վրա կամ կասեցնել գիտատեխնիկական համագործակցությունը։
Հաղորդվում է, որ ԵՄ-ի հետ Ասոցացման համաձայնագրի կասեցումը հնարավոր է միայն այն դեպքում, եթե ազգային կառավարությունները միաձայն աջակցեն այս միջոցառմանը։ Սակայն, ամենայն հավանականությամբ, Եվրամիությունը կսահմանափակվի որոշ անձանց դեմ պատժամիջոցներով, ինչպես արդեն արել են Ավստրալիան, Մեծ Բրիտանիան, Կանադան, Նոր Զելանդիան և Նորվեգիան։
ԵՄ արտաքին գործերի նախարարները, ենթադրաբար, հուլիսի 15-ին կքննարկեն հնարավոր միջոցառումները։ Նույն օրը Իսրայելը պետք է զեկույց ներկայացնի Գազայի հատվածում մարդասիրական իրավիճակի բարելավման վերաբերյալ։
Թարգմանությունը՝ Անահիտ Խաչատրյանի
