29.04.2026 | 12:17
Թրամփի դիմանկարը՝ ամերիկյան անձնագրի շապիկին
Թուրքիան ուշադիր հետևում է Ադրբեջանի և Հայաստանի միջև համապարփակ խաղաղության բանակցություններին․ Էրդողան
Քաղաքականություն
05.07.2025 | 12:15
Ադրբեջանի նախագահ Իլհամ Ալիևն ու Թուրքիայի նախագահ Ռեջեփ Թայիփ Էրդողանը հայաթափված Ստեփանակերտում անցկացված Տնտեսական համագործակցության կազմակերպության 17-րդ գագաթնաժողովի շրջանակներում հանդիպում են անցկացրել։
Թուրքական կողմի հաղորդմամբ`հանդիպմանը քննարկվել են Թուրքիայի և Ադրբեջանի երկկողմ հարաբերություններին վերաբերվող, ինչպես նաև տարածաշրջանային և միջազգային այլ հարցեր։
Էրդողանն ընդգծել է Թուրքիայի և Ադրբեջանի միջև էներգետիկայի և տրանսպորտի ոլորտներում համագործակցության շարունակական ամրապնդման կարևորությունը։
«Նշելով, որ Թուրքիան ուշադիր հետևում է Ադրբեջանի և Հայաստանի միջև համապարփակ խաղաղության բանակցություններին, նախագահ Էրդողանը ակնկալում է, որ Ադրբեջանի օրինական պահանջները հասցեագրող համաձայնագիրը կստորագրվի», – ասվում է հաղորդագրության մեջ։
Թարգմանությունը` Էմմա Չոբանյանի
