27.03.2026 | 23:03
Իսպանիայում 25-ամյա աղջիկը էվթանազիայի է ենթարկվել. նա երկու տարի պայքարել է ընտանիքի դեմ՝ մահանալու իրավունքի համար
Սա կոնկրետ քաղաքական հետապնդում է Արծվիկ Մինասյանի նկատմամբ. Գրիգորյանը՝ Վարդապետյանին․ ՏԵՍԱՆՅՈՒԹ
Քաղաքականություն
04.07.2025 | 14:37
«Սա կոնկրետ քաղաքական հետապնդում է Արծվիկ Մինասյանի նկատմամբ»,- այս մասին ԱԺ արտահերթ նիստում հայտարարեց «Հայաստան» խմբակցության պատգամավոր Աննա Գրիգորյանը։
«Ճի՞շտ եմ հասկանում, որ գործ չի հարուցվել բնապահպանության այն նախարարի նկատմամբ, ում օրոք կառուցվել է այդ ապօրինի շինությունը, այլ գործ է հարուցվում Արծվիկ Մինասյանի նկատմամբ, ում օրոք չի կառուցվել։ Եթե խնդիրն այն է, որ Արծվիկ Մինասյանը որպես նախարար պետք է քանդեր շինությունը, ապա նրա լիազորություններում նման գործառույթ դրված չէ։ Բայց եթե ասում եք, որ նա պետք է քանդեր, նշանակում է նման պրոցես պետք է սկսեիք Էրիկ Գրիգորյանի նկատմամբ, Ռոմանոս Պետրոսյանի նկատմամբ և Սիմիդյանի նկատմամբ։ Այսինքն՝ Արծվիկ Մինասյանից հետո եկած բոլոր նախարարների նկատմամբ էլ պետք է քրեական հետապնդում սկսեիք։ Եթե ասում եք հանցավոր պայմանավորվածություն է եղել, որ պետք է օրինականացվեր տունը, ախր այդ տունը չի էլ օրինականացվել»,- նկատեց պատգամավորը։
Հիշեցնենք, որ ԱԺ-ն արտահերթ նիստում քննարկում է ՀՀ գլխավոր դատախազ Աննա Վարդապետյանի միջնորդագրերը, որոնք վերաբերում են «Հայաստան» խմբակցության ղեկավար Սեյրան Օհանյանին և խմբակցության քարտուղար Արծվիկ Մինասյանին անձեռնամխելիությունից զրկելուն ու քրեական հետապնդում սկսելուն, ինչպես նաև՝ պատգամավոր Արթուր Սարգսյանի նկատմամբ քրեական հետապնդում հարուցելուն և ազատությունից զրկելուն։
Մանրամասները՝ տեսանյութում։
Մանյա Պողոսյան
