06.10.2026 | 16:08
Դրա մասին վաղ է խոսել․ Ռուբինյանը՝ ադրբեջանցու արտահանձնման հնարավորության մասին․ ՏԵՍԱՆՅՈՒԹ
ՀՀ-ում ԱՄՆ դեսպանությունը տոնել է ԱՄՆ անկախության 249-րդ տարեդարձը․ ԼՈՒՍԱՆԿԱՐՆԵՐ
Քաղաքականություն
03.07.2025 | 15:38
ՀՀ-ում ԱՄՆ դեսպանությունը երեկ՝ հուլիսի 2-ին, տոնել է ԱՄՆ անկախության 249-րդ տարեդարձը։
Ստորև դեսպանության տարածած հաղորդագրությունն ու լուսանկարները․
«Երեկ տոնեցինք ԱՄՆ անկախության 249-րդ տարեդարձը։ Հուլիսչորսյան ամենամյա տոնակատարությունն այս տարի ընթացավ Ամերիկայի գլխավոր կամ մայր ճանապարհ համարվող և որպես ազատության, շարժի ու կապի խորհրդանիշ ընկալվող «66-րդ ավոտմայրուղու» մոտիվներով։
Դեսպան Քվինն ու պատվավոր հյուր ՀՀ փոխվարչապետ Մհեր Գրիգորյանը ողջույնի խոսք հղեցին ներկաներին և բաժակ բարձրացրեցին ԱՄՆ Անկախության տոնի կապակցությամբ։
Հյուրերը ճաշակեցին ամերիկյան ու հայկական խոհանոցի համեղ ուտեստներ և վայելեցին կենդանի երաժշտություն՝ Hard Rock Café Yerevan-ի «Նես» բենդի կատարմամբ։ Միջոցառման հանդիսավոր մասը մեկնարկեց Միացյալ Նահանգների ու Հայաստանի ազգային օրհներգերով՝ հայտնի երգչուհի Սրբուկի տպավորիչ կատարմամբ։
Շնորհակալություն մեր հյուրերին, գործընկերներին և երաժիշտներին, որոնց շնորհիվ երեկոն դարձավ անմոռանալի»։
