06.10.2026 | 18:13
Վարդան Ղուկասյանն անմեղ ճանաչվեց խուլիգանության գործով // ՔՊ-ն եկեղեցու հարցով հանձնաժողով ստեղծեց․ ԼՈՒՐԵՐ
Խերսոնի վրա ռուսական զորքերի հարձակման հետևանքով հիվանդանոց է վնասվել․ վիրավորվել է 8 մարդ
Քաղաքականություն
02.07.2025 | 12:59
Ռուսական զորքերը հրետանային կրակ են բացել ուկրաինական Խերսոնի հիվանդանոցներից մեկի վրա։ Այս մասին հայտնել է Խերսոնի շրջանային ռազմական վարչակազմի ղեկավար Ալեքսանդր Պրոկուդինը, գրում է Current time-ը։
Նրա խոսքով՝ հարձակման հետևանքով ավերվել է բժշկական հաստատության շենքը, վիրավորվել է հինգ հիվանդ և երեք բուժքույր։ Հիվանդանոցի 44-ամյա աշխատակիցը հոսպիտալացվել է պայթյունային վնասվածքով, ուղեղի ցնցումով և կրծքավանդակի բեկորային վերքով։
Հիվանդանոցում մնում են ևս չորս վիրավոր հիվանդներ։ 69-ամյա մի կին էլ հրաժարվել է հոսպիտալացումից։
Պրոկուդինի խոսքով՝ վերջին 24 ժամվա ընթացքում ռուս զինծառայողները հարձակվել են կարևորագույն և սոցիալական ենթակառուցվածքների, բնակելի թաղամասերի վրա, մասնավորապես, վնասել են բազմահարկ շենք և 11 մասնավոր տուն։
Հաղորդվում է, որ վնասվել են նաև ձեռնարկություն, ավտոբուս, մեքենաներ և ֆերմաներից մեկի շենքը։ Վիրավորվել է 10 մարդ։
Թարգմանությունը՝ Էմմա Չոբանյանի
