16.07.2026 | 14:35
«Ամասիայի գլխավորող պանրագործարան» ընկերության արտադրական գործունեության առանձին գործառույթ է կասեցվել
Փեզեշքիանը հայտարարել է ՄԱԳԱՏԷ-ի հետ համագործակցությունը դադարեցնելու մասին
Քաղաքականություն
02.07.2025 | 12:21
Իրանի նախագահ Մասուդ Փեզեշքիանը հայտարարել է Թեհրանի և Ատոմային էներգիայի միջազգային գործակալության (ՄԱԳԱՏԷ) միջև համագործակցության դադարեցման մասին, գրում է Mehr գործակալությունը:
Իրանական լրատվամիջոցները գրում են, որ Փեզեշքիանը ստորագրել է համագործակցության դադարեցման մասին օրինագիծը։
Հունիսի 25-ին Իրանի խորհրդարանը հաստատել էր օրինագիծ, որը կասեցնում է Թեհրանի և ՄԱԳԱՏԷ-ի միջև համագործակցությունը՝ Իսլամական Հանրապետության դեմ քաղաքական դրդապատճառներով բանաձևի ընդունումից հետո։ Oրինագծի ընդհանուր և կոնկրետ դրույթները հաստատվել են օրենսդիրների կողմից, չորեքշաբթի հայտարարել է խորհրդարանի նախագահող խորհրդի անդամ Ալիռեզա Սալիմին։
Խորհրդարանի որոշման համաձայն՝ ՄԱԳԱՏԷ-ի տեսուչներին թույլ չի տրվի մուտք գործել Իրան, եթե չերաշխավորվի երկրի միջուկային օբյեկտների և խաղաղ միջուկային գործունեության անվտանգությունը, որը պետք է հաստատվի Իրանի Ազգային անվտանգության բարձրագույն խորհրդի կողմից։
Քվեարկությունը տեղի էր ունեցել խորհրդարանի նախագահ Ղալիբաֆի կողմից ՄԱԿ-ի գործակալության հետ Թեհրանի համագործակցությունը կասեցնելու մասին օրինագծի քննարկումից մի քանի օր անց։
«Մեջլիսը (Իրանի խորհրդարանը) մշակում է գործակալության հետ համագործակցությունը կասեցնելու ծրագիր, մինչև միջազգային այս կազմակերպության մասնագիտական վերաբերմունքի վերաբերյալ իրական երաշխիքներ չստանա»,- խորհրդարանի բաց նիստի ժամանակ հայտարարել էր Ղալիբաֆը։
Իրանը նաև քննարկում է ՄԱԳԱՏԷ-ի ղեկավար Ռաֆայել Գրոսսիի մուտքի արգելքի հարցը, որը քննադատության է ենթարկվել Իրանի դեմ իսրայելա-ամերիկյան ագրեսիային, իբր, նպաստելու համար։
Հիշեցնենք, որ խորհրդարանում օրինագծի ընդունումից հետո այն հաստատել էր Իրանի Պահապանների խորհուրդը։
Թարգմանությունը՝ Էմմա Չոբանյանի
