14.06.2026 | 19:24
Էլինա Ավանեսյանը՝ Զագրեբի մրցաշարի հաղթող․ ՏԵՍԱՆՅՈՒԹ
Վաղարշապատ և Խոյ խոշորացված համայնքները կմիավորվեն․ Դավիթ Խուդաթյանը ներկայացրեց նախագիծը․ ՏԵՍԱՆՅՈՒԹ
Քաղաքականություն
01.07.2025 | 15:50
Խորհրդարանն արտահերթ նիստում քննարկում է «Վարչատարածքային բաժանման մասին» ՀՀ օրենքում փոփոխություն կատարելու և «Տեղական ինքնակառավարման մասին» ՀՀ օրենքում լրացումներ կատարելու մասին օրենքների նախագծերի փաթեթը։ Հարցը զեկուցող ՏԿԵ նախարար Դավիթ Խուդաթյանը հայտնեց, որ փոփոխություններով Վաղարշապատ և Խոյ խոշորացված համայնքները կմիավորվեն։
Մինչդեռ «Հայաստան» խմբակցության անդամ Արման Ղազարյանը քննադատեց իշխանություններին առանց համայնքային լսումների և հանրային քննարկումների համայնքների խոշորացման գործընթաց սկսելու համար։ Ղազարյանի խոսքով՝ նպատակը զուտ քաղաքական է, համայնքների միավորմամբ հասնել նրան, որ ՏԻՄ ընտրություններում ՔՊ թեկնածուն հաղթի։
Նախարարը պնդեց, որ համայնքների միավորումը քաղաքական նպատակ չի հետապնդում, այլ՝ կառավարումն ավելի էֆեկտիվ կդարձնի, միավորված համայնքն ավելի մեծ թվով բնակիչներ կունենա, հետևաբար՝ նաև պետբյուջեից ավելի շատ միջոցներ կուղղվեն։
Հիշեցնենք, որ Վաղարշապատ խոշորացված համայնքում նոյեմբերի 16-ին ավագանու արտահերթ ընտրություններ են նշանակված։
Մանրամասները՝ տեսանյութում։
Մանյա Պողոսյան
