Եթե ժողովուրդը գնում է ավտոբուսի համար ուրախ վճարում է, էս օրենքի անհրաժեշտությունն ինչի՞ առաջացավ․ Խաչատրյան․ ՏԵՍԱՆՅՈՒԹ

«Ցանկացած օրենք, որ բերվում է` ունենում է որոշակի քաղաքական նպատակ, հատկապես այսպիսի բարձր հնչեղությամբ օրենքները։ Օրինակ, հաջորդ օրենքը, որը քննարկելու ենք՝ ակնհայտ ունի քաղաքական նպատակ»,- այս մասին ԱԺ արտահերթ նիստում ասաց «Հայաստան» խմբակցության պատգամավոր Արթուր Խաչատրյանն՝ անդրադառնալով տրանսպորտի ուղեվարձը չվճարելու համար տուգանք սահմանելու նախագծի փաթեթներին։

«Բա, եթե ժողովուրդը ուրախ է, երջանիկ է, գնում է, ուրախ ավտոբուսի համար վճարում է՝ այս օրենքի անհրաժեշտությունը որտեղի՞ց առաջացավ։ Տրամաբանական կլիներ, եթե զեկուցողը վիճակագրություն բերեր՝ ասեր արդյո՞ք Երևան քաղաքում տրանսպորտի գինը 50 %-ով թանկացնելուց հետո մեր քաղաքացիները դրանից բավարարվա՞ծ են, տրամաբանական կլիներ ասել՝ քաղաքացիները բավարարված են, գոհ են ծառայություններից, բայց կան վատ անպատասխանատու քաղաքացիներ ու իրենց պետք է պատժել, կամ ասել, որ թանկացումներից հետո ոչ միայն իրենք են գոհ, այլ նաև եկամուտներն են շատացել քաղաքային, համայնքային բյուջե, և այդ հավելյալ եկամուտներից քաղաքի կյանքը ավելի բարելավվել է։ Չկա՛ նման բան, չ՛ի բերվել»,- նկատեց ընդդիմադիր պատգամավորը։

Նրա կարծիքով՝ իշխանությունն էլ հասկանում է, որ իրենց «ռեֆորմը» ձախողվել է և հիմա փող է պետք, դրա համար մնում է քաղաքացին՝ որպեսզի «տուգանքի մատերիալ»։

Նշենք, որ ԱԺ-ն արտահերթ նիստում քննարկում է Երևանում հասարակական տրանսպորտից օգտվելիս ուղեվարձը չվճարելու դեպքում վարչական տույժ սահմանելու հարցը։

Մանրամասները՝ տեսանյութում։

Մանյա Պողոսյան