07.06.2026 | 14:52
Երկու ԶԼՄ-ներ խախտել են լռության օրվա կանոնները․ Արթուր Սաքունց. ՏԵՍԱՆՅՈՒԹ
Աշխարհի մի շարք երկրներում +40°C շոգ․ Եվրոպայում անտառային հրդեհներ են
Քաղաքականություն
28.06.2025 | 13:42
Եվրոպան պատված է աննախադեպ բարձ ջերմաստիճանով, որի պատճառով մի շարք երկրներում օդի ջերմաստիճանը գերազանցել է 40°C-ը։ Տեղական իշխանությունները կոչ են անում զգուշավորություն ցուցաբերել, քանի որ չոր եղանակը, ուժեղ քամիներն ու բարձր ջերմաստիճանը ստեղծում են իդեալական պայմաններ անտառային հրդեհների առաջացման համար, փոխանցում է Euronews-ը։
Երբ եվրոպական երկրներում ամառային ջերմաստիճանը շարունակում է աճել, մայրցամաքի տարբեր շրջաններ բախվում են բազմակի անտառային հրդեհների և ծայրահեղ ջերմային ալիքների։
Թուրքիայում ջերմաստիճանը գերազանցել է 40 աստիճանը։ Հրդեհներ են բռնկվել Իզմիրում, Բուրսայում, Թեքիրդաղում, Սաքարիայում և Ադանայում՝ արտակարգ իրավիճակների պատճառ դառնալով։
Հրդեհները մարելու գործին ներգրավված են ինչպես ցամաքային, այնպես էլ օդային փրկարարական խմբեր։ Ադանայում հրդեհը վերածվել է ողբերգության․ հրշեջ ինքնաթիռ է կործանվել։ Ներկայումս իրականացվում են որոնողափրկարարական աշխատանքներ։
Հունաստանում Աթենքի բազմաթիվ բնակիչներ փախել են դեպի լողափեր, երբ երկիրը բախվել է այս տարվա առաջին լուրջ շոգին։
Ջերմաստիճանը կբարձրանա մինչև ուրբաթ՝ հասնելով 40-41 աստիճանի երկրի ներսում և կշարունակվի մինչև հանգստյան օրերի ավարտը։
Իսպանիայում և Պորտուգալիայում ևս, թե՛ զբոսաշրջիկներն, թե՛ տեղացիները պատրաստվում են առաջիկա օրերին սպասվող շոգին, երբ ջերմաստիճանը կշարունակի կտրուկ բարձրանալ։ Պորտուգալիայում հնարավոր է օդի ջերմաստիճանի բարձրացում մինչև 44 աստիճան ցելսիուսի։
Պորտուգալիայի օդերևութաբանական ծառայությունը նախազգուշացում է հրապարակել մայրցամաքային ամբողջ տարածքի համար։ Երկրի մեծ մասում հայտարարվել է դեղին նախազգուշացում, իսկ որոշ ներքին շրջաններում՝ նարնջագույն, որտեղ բարձր ջերմաստիճանը կարող է հանգեցնել լուրջ ռիսկեր։
Իշխանությունները կոչ են անում բնակչությանը զգոն լինել և խուսափել գործողություններից, որոնք կարող են նոր հրդեհներ հրահրել՝ նշելով, որ չոր եղանակը և ուժեղ քամիները կարող են շարունակել բորբոքել կրակը։
