17.09.2026 | 23:07
Կառլեն Հովհաննիսյանն առաջին գոլն է խփել «Ակրոնում». ՏԵՍԱՆՅՈՒԹ
Իրանն Իսրայելի ուղղությամբ ավելի քան 100 անօդաչու թռչող սարք է արձակել
Քաղաքականություն
13.06.2025 | 09:55
Իսրայելի բանակի գլխավոր խոսնակ, գեներալ Էֆի Դեֆրին հայտնել է, որ Իսրայելի ուղղությամբ 100 անօդաչու թռչող սարք է արձակվել, գրում է apnews-ը։
«Վերջին մի քանի ժամվա ընթացքում Իրանն Իսրայելի ուղղությամբ ավելի քան 100 անօդաչու թռչող սարք է արձակել, բոլոր պաշտպանական համակարգերը գործում են՝ սպառնալիքները կանխելու համար»,- ասել է Դեֆրին։
Հաղորդվում է, որ Իսրայելի ամենամեծ հիվանդանոցներից մեկը՝ «Հադասա»-ն, անցել է «արտակարգ ռեժիմի»։ Հիվանդանոցը դուրս է գրում այն հիվանդներին, որոնց առողջական վիճակը թույլ է տալիս չեղարկել ոչ շտապ վիրահատությունները։ Նշվում է նաև, որ որոշ բաժանմունքներ տեղափոխվում են պաշտպանված տարածքներ։
Հիշեցնենք, որ Իսրայելի ռազմաօդային ուժերը հարձակվել են Թեհրանի մոտակայքում գտնվող առնվազն վեց ռազմական բազաների վրա։ Ըստ Al Masirah հեռուստաալիքի՝ հարվածներ են հասցվել իրանական Նաթանզ, Խորամաբադ և Համադան քաղաքներին։
Al Mayadeen հեռուստաալիքը նշել է, որ Իսրայելի հարձակման թիրախը Նաթանզի միջուկային օբյեկտն է եղել։
Ըստ Al Jazeera-ի՝ հարձակումների թիրախում նաև Թեհրանի հյուսիս-արևելքում գտնվող Մահալաթի շրջանն է, որը հայտնի է ռազմական պաշտոնյաների բնակավայրերով։
The New York Times-ը, հղում անելով իրանցի պաշտոնյաներին, հայտնել է, որ հարվածներ են հասցվել նաև Իսլամական Հանրապետության ռազմական հրամանատարության երկու բնակելի շենքերին։
Թարգմանությունը՝ Անահիտ Խաչատրյանի
