21.02.2026 | 18:08
Հունգարիան արգելափակել է Ուկրաինային ԵՄ-ի կողմից 90 մլրդ եվրո վարկի հատկացումը
Արթուր Վանեցյանի անվտանգության աշխատակիցներն ազատ են արձակվել
Հասարակություն
12.06.2025 | 23:47
Արթուր Վանեցյանի անվտանգությունն ապահովող պահնորդական ծառայության տղաներն ազատ են արձակվել։ Այս մասին ֆեյսբուքյան իր էջում գրել է նրա փաստաբան Արսեն Բաբայանը։
Ավելի վաղ տեղեկացրել էինք, որ այսօր Սարալանջ փողոցից քրեական ոստիկանության գլխավոր վարչության ծառայողները ձերբակալել են «Հայրենիք» կուսակցության նախագահ Արթուր Վանեցյանի անվտանգությունն ապահովող 4 աշխատակիցների։
Հիշեցնենք՝ Վանեցյանի անվտանգության աշխատակիցները նույն պատճառով նախկինում ձերբակալվել են ավելի քան 5 անգամ։ Վերջին անգամ ոստիկանությունը նրանց ձերբակալել էր մարտի 12-ին։ Օրենսդրությամբ նախատեսված պահնորդական ծառայություն մատուցող ընկերության աշխատակիցները, որոնք օրենքով թույլատրված պայմանագրային հիմունքներով ծառայություն են մատուցում Վանեցյանին, կրկին կասկածվել էին ապօրինի զենք պահելու և կրելու համար։
