07.07.2026 | 01:01
ԱԱ-2026. Իսպանիան հաղթանակ կորզեց Պորտուգալիայի դեմ խաղում. ՏԵՍԱՆՅՈՒԹ
Ձերբակալվել են Արթուր Վանեցյանի անվտանգության 4 աշխատակիցները
Քաղաքականություն
12.06.2025 | 19:51
Այսօր Սարալանջ փողոցից քրեական ոստիկանության գլխավոր վարչության ծառայողները ձերբակալել են «Հայրենիք» կուսակցության նախագահ Արթուր Վանեցյանի անվտանգությունն ապահովող 4 աշխատակիցների։
Factor TV-ի հարցմանն ի պատասխան Ներքին գործերի նախարարությունից հայտնեցին, որ անձինք ձերբակալվել են ապօրինի հրազեն, զենք և զինամթերք կրելու, պահելու կասկածանքով։
Ավելի վաղ փաստաբան Արսեն Բաբայանը ֆեյսբուքյան իր էջում գրառում էր կատարել այս մասին։ «Փաստորեն, շատ ցավացրեց Վանեցյանը Նիկոլին պաշտպանելով Եկեղեցին: Երկար ժամանակն էր՝ չէին ձերբակալում անվտանգությունն ապահովող տղաներին»,- գրել է փաստաբանը։
Հիշեցնենք՝ Վանեցյանի անվտանգության աշխատակիցները նույն պատճառով նախկինում ձերբակալվել են ավելի քան 5 անգամ։ Վերջին անգամ ոստիկանությունը նրանց ձերբակալել էր մարտի 12-ին։ Օրենսդրությամբ նախատեսված պահնորդական ծառայություն մատուցող ընկերության աշխատակիցները, որոնք օրենքով թույլատրված պայմանագրային հիմունքներով ծառայություն են մատուցում Վանեցյանին, կրկին կասկածվել էին ապօրինի զենք պահելու և կրելու համար։
Ռոզա Վարդանյան
