Գարեգին Բ-ն պատասխանեց Փաշինյանին. լարվածությունը չի թուլանում. ՏԵՍԱՆՅՈՒԹ

Ամենայն հայոց Գարեգին երկրորդ կաթողիկոսն ուղիղ չի պատասխանում Նիկոլ Փաշինյանի կողմից օրակարգ բերված՝ զավակ ունենալ-չունենալու և կուսակրոնության ուխտը խախտել-չխախտելու վերաբերյալ հարցերին։

Հայ առաքելական եկեղեցու հոգևոր առաջնորդն առաջին անգամ իրեն ուղղված քննադատություններին անդրադառնում է Արաբական Միացյալ Էմիրություններից վերադառնալիս։ «Զվարթնոց»-ում հավաքվել էին ընդդիմադիրները և նրանց կոչով այնտեղ ժամանած քաղաքացիները՝ հաջակցություն կաթողիկոսի։ Գարեգին երկրորդն իրեն վերագրվող մեղադրանքներին թեև ուղիղ պատասխաններ չի տալիս, բայց հավատացած է, որ հաղթահարելու է այս դժվարությունները։

Ու մինչ կաթողիկոսը լռում է, Փաշինյանը, որ երեկվանից Գարեգին երկրորդին Վեհարանից հեռացնելու հանձնաժողով ձևավորելու գործընթաց է սկսել, այսօր առավոտյան կրկին հարցադրում է արել կուսակրոնությունը խախտած հոգևորականների մասին։

Փաշինյանի աներորդի, ՔՊ խմբակցության պատգամավոր Հրաչյա Հակոբյանն այս թեման փակելու մեկ ճանապարհ է տեսնում։

Գեղամ Մանուկյանը նշում է՝ Փաշինյանը ցնորամիտ հարցադրումներ է անում  Հայ առաքելական եկեղեցու հետ կապված և, ըստ նրա, ժողովուրդն օդանավակայանում կաթողիկոսին դիմավորելով՝ ցույց տվեց, որ չի կիսում վարչապետի օրակարգը։

Իշխանական պատգամավոր Հրաչյա Հակոբյանը հակադարձում է, որ այնտեղ քաղաքական շրջանակների է տեսել՝ Արթուր Վանեցյանին, Սեյրան Օհանյանին և այլ ընդդիմադիրների։ ՔՊ-ականը նշում է՝ գիշերվա հավաքը ցուցիչ չէ, որ Փաշինյանը հետ քայլ անի

Կաթողիկոսի հարցը երեկ քննարկվել է նաև ՔՊ վարչության նիստում։ Իշխանականները մանրամասներ չեն հաղորդում։ Միաժամանակ, ընդդիմադիրներն էլ չեն նշում, թե առաջիկայում ինչ պլաններ ունեն։

Մանրամասները՝ տեսանյութում։

Նարեկ Կիրակոսյան