05.09.2026 | 19:58
Քննարկվել են Հայաստանի և Իրաքյան Քուրդիստանի միջև տնտեսական կապերի զարգացման հնարավորությունները
Զարմանալի է՝ մեքենայի կատալիզատորը հանում ու թունավորում են բոլորին․ Ավինյան
Քաղաքականություն
09.06.2025 | 11:13
Երևանի քաղաքապետ Տիգրան Ավինյանի համար զարմանալի է, թե ինչու են քաղաքացիներն իրենց մեքենաների կատալիզատորները հանում։ Քաղաքապետն իր այս մտահոգությամբ կիսվեց քաղաքապետարանի այսօրվա գործակարգավարական խորհրդակցության ժամանակ, երբ ներկայացվում էին մայիսին օդի որակի ցուցանիշները։
«Իրապես զարմանալի է, անկեղծ ասած։ Չգիտեմ՝ ինչ հիմնավորում և բացատրություն կա, երբ մարդը որոշում է, որ պետք է իր ավտոմեքենայի կատալիզատորը հանի և թունավորի բոլորին։ Չգիտեմ՝ երևի դրանով խնայողություն է ստեղծվում, բայց մարդը չի հասկանում, որ կատալիզատորը հանած ավտոմեքենայով ամբողջ շրջակա միջավայրը թունավորում է։ Նորմա՞լ է, որ ավտոմեքենան պիտի թունավորի բոլորիս»,- նշեց քաղաքապետը։
Ավինյանը հանձնարարեց տրանսպորտի վարչության հետ հասկանալ՝ ինչպես կարող են լուծել այդ խնդիրը։
Մանրամասները՝ տեսանյութում։
Արփի Հակոբյան
