16.02.2026 | 23:15
Նման պնդումները չեն համապատասխանում իրականությանը. Davaro-ն՝ ԱԹՍ-ներում այլ արտադրողների տեխնոլոգիաներ կիրառելու մասին
Ալլահշուքյուր Փաշազադեն հայտարարել է, թե «դեռևս ցանկություն չունի հանդիպել Ամենայն Հայոց կաթողիկոս Գարեգին Բ-ի հետ»
Քաղաքականություն
06.06.2025 | 12:53
Ադրբեջանի Կովկասի մահմեդականների վարչության նախագահ Ալլահշուքյուր Փաշազադեն հայտարարել է, թե «դեռևս ցանկություն չունի հանդիպել Ամենայն Հայոց կաթողիկոս Գարեգին Բ-ի հետ», քանի որ նա քաղաքականությամբ է զբաղվում։
«Ես դեռևս չեմ ցանկանում հանդիպել Գարեգին 2-րդի հետ։ Ես նրա հետ հանդիպումը համարում եմ իմ արժանապատվությունից ցածր։ Հայոց կաթողիկոսը, բացի իր կրոնական կոչումից, կրում է նաև քաղաքական թիկնոց։ Հոգևոր մարդը չպետք է այդքան խորասուզվի քաղաքականության մեջ։ Հետևաբար, ես նրա հետ հանդիպելու մտադրություն չունեմ»,- հայտարարել է նա։
Փաշազադեն, միաժամանակ, ասել է, թե իրենց չի հետաքրքրում Հայաստանի վերաբերմունքը «Երևանի ղազիաթի» ստեղծման հետ կապված։ Նա պնդել է, թե այդ կառույցը «չի ստեղծվել, այլ վերականգվել է»։
«Երևանի ղազիաթի գործունեությունը դադարեցվել էր ադրբեջանցիների տեղահանման պատճառով։ Մենք հույս ունենք, որ կրկին կվերադառնանք մեր հողեր։ Եթե ղազիաթը շարունակի իր գործունեությունն այստեղ, ապա մենք կարծում ենք, որ այն շուտով կգործի նաև այդ հողերում»,- հայտարարել է Փաշազադեն։
Հիշեցնենք, որ վերջերս Կովկասի մահմեդականների վարչությունը նիստ էր հրավիրել և Երևանում մահմեդական համայնքի հետ կապված «մասնաճյուղ»՝ ղազիաթ (համարժեք են քրիտոնեական թեմերին) ստեղծել, ինչպես նաև ղեկավար նշանակել։
Թարգմանությունը՝ Էմմա Չոբանյանի
