13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Հարկերի հավաքագրումը ցածր է, բյուջեի ծախսերն ավելացել են, կապիտալ ծախսերը՝ թերակատարվել․ ԿԲ նախագահ․ ՏԵՍԱՆՅՈՒԹ
Տնտեսություն
04.06.2025 | 13:51
«2024 թվականին տնտեսական աճը դանդաղել է, ինչն արտահայտվել է ոչ առևտրային դրամական փոխանցումների և զբոսաշրջային հոսքերի շարունակական նվազմամբ»,- այս մասին ԱԺ համատեղ հանձնաժողովի համատեղ նիստերում 2024 թվականի պետբյուջեի կատարողականի նախնական քննարկումների ժամանակ հայտնեց ԿԲ նախագահ Մարտին Գալստյանը։
Նրա խոսքով՝ չնայած շարունակվող մարտահրավերներին և անորոշություններին՝ հարկաբյուջետային և դրամավարկային քաղաքականության արդյունավետ համադրման շնորհիվ նախորդ տարի հնարավոր է եղել ապահովել մակրոտնտեսական կայունությունը։
ԿԲ նախագահը նշեց, որ նախորդ տարի հարկերի հավաքագրումը նախատեսվածից ցածր է եղել, բյուջեի ծախսերն ավելացել են, իսկ կապիտալ ծախսերը՝ թերակատարվել։
Ինչ վերաբերում է գնաճին, ԿԲ նախագահն ասաց, որ 2024 թվականին տնտեսությունում թույլ գնաճային միջավայրը պահպանվել է, մեծամասամբ պայմանավորված արտաքին հատվածից փոխանցվող գնանկումային ազդեցություններով, ինչպես նաև ներքին որոշ ծառայությունների նկատմամբ արտաքին պահանջարկի թուլացմամբ։
Մանրամասները՝ տեսանյութում։
Մանյա Պողոսյան
