16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Ադրբեջանում դադարեցվել է ռուսական «Матч ТВ» հեռուստաալիքի հեռարձակումը
Քաղաքականություն
02.06.2025 | 16:18
ՌԴ «Матч ТВ» հեռուստաալիքի հեռարձակումն Ադրբեջանում դադարեցվել է։ Այս մասին հայտնում են ադրբեջանական իշխանամերձ լրատվամիջոցները։
Նշվում է, որ «Матч ТВ» ալիքները չեն ունեցել հեռարձակվելու թույլտվություն Ադրբեջանում։ Հետևաբար, «Զանգվածային լրատվության մասին» օրենքի 32.4 և 34.5 հոդվածների պահանջներին համապատասխան, հեռուստաալիքների հեռարձակումը դադարեցվել է։
«Матч ТВ»-ն ռուսական դաշնային սպորտային հեռուստաալիք է, որը հեռարձակումը սկսել է 2015 թվականին։
Ի դեպ, օրերս էլ Ադրբեջանում արգելափակել էին ռուսական «Ցարգրադ» հեռուստաալիքի կայքը։
Ավելի վաղ Բաքուն ՌԴ-ին մեղադրել էր ադրբեջանական իշխանամերձ լրատվամիջոցների դեմ կիբերհարձակումների համար։ Միաժամանակ, Ադրբեջանի իշխանությունները վերջերս փակել են Բաքվում «Ռուսական տունը», Sputnik-Ադրբեջան լրատվական գործակալությունը՝ ռուս-ադրբեջանական հարաբերություններում լարվածության ֆոնին։
Ադրբեջանի և Մոսկվայի հարաբերություններում լարվածություն էր առաջացել ադրբեջանական օդանավի կործանումից հետո։ Բաքվից Գրոզնի թռչող AZAL-ի օդանավը վթարի էր ենթարկվել 2024 թվականի դեկտեմբերի 25-ին Ղազախստանի Ակտաու քաղաքի մոտ։ Օդանավում գտնվող 67 անձանցից 38-ը մահացել էր։ Ավիաղետի համար Ադրբեջանը մեղադրում է ռուսական կողմին՝ պահանջելով պաշտոնապես ներողություն խնդրել և պատասխանատվություն ստանձել։
Թարգմանությունը՝ Էմմա Չոբանյանի
