Քաղաքականություն
29.05.2025 | 15:12
Ողջունում ենք Ադրբեջանի և Հայաստանի միջև ձեռնարկված քայլերը։ Խաղաղության համաձայնագրի տեքստի շուրջ համաձայնությունը համարում ենք կայունության ճանապարհին կարևոր զարգացում։ Այս մասին հայտարարել է Թուրքիայի նախագահ Ռեջեփ Թայիփ Էրդողանը գրավյալ Արցախի Բերձորից վերադառնալիս ինքնաթիռում լրագրողների հետ զրույցում։
«Ցանկանում ենք, որ այս գործընթացն ավարտվի որքան հնարավոր է շուտ։ Մենք տեսնում ենք, որ պատերազմում հաղթողը՝ Ադրբեջանը, նույնպես հանդես է գալիս որպես տարածաշրջանում խաղաղության ճարտարապետ»,- հայտարարել է Էրդողանը։
Խոսելով Բերձորում օդանավակայանի բացման մասին՝ նա ասել է, որ դրա շինարարությանը մասնակցել է թուրքական շուրջ մեկ տասնյակ ընկերություն։
Էրդողանը նաև հայտարարել է, որ Թուրքիան և Ադրբեջանը զարգացնում են համագործակցությունը բազմաթիվ ոլորտներում, մասնավորապես, պաշտպանության, էներգետիկայի, գյուղատնտեսության և անասնապահության ոլորտներում, դրանք համարում են ռազմավարական։
Թարգմանությունը՝ Էմմա Չոբանյանի
