Քաղաքականություն
05.05.2025 | 15:34
Բելառուսի վարչապետ Ալեքսանդր Տուրչինը պաշտոնական այցով ժամանել է Ադրբեջան։ Տեղական լրատվամիջոցների հաղորդմամբ՝ Բաքվի Հեյդար Ալիևի անվան միջազգային օդանավակայանում նրան դիմավորել են Ադրբեջանի փոխվարչապետ Սամիր Շարիֆովը, փոխարտգործնախարար Էլնուր Մամեդովը և այլ պաշտոնատար անձինք։
Արդեն մեկնարկել է Բելառուս վարչապետի և Ադրբեջանի վարչապետ Ալի Ասադովի հանդիպումը։ Երկու երկների վարչապետները պատրաստվում են նաև մեկնել հայաթափված Արցախ, մասնավորապես, Վարանդայում «վերականգնված օբյեկտների զննում», ինչպես նաև Աղդամի արդյունաբերական պարկ, որին MAZ-5907S2-012 կոմունալ ծառայության մեքենա կնվիրաբերվի։
«Վաղը մենք կայցելենք նաև Աղդամի շրջանի Գիզըլ Քենգերլի գյուղը, որտեղ նախատեսվում է կառուցել ագրոքաղաք»,- հանդիպմանը հայտարարել է Ադրբեջանի վարչապետ Ալի Ասադովը։
Տուրչինն էլ ասել է, որ բելառուսական ընկերությունները կարող են մասնակցել Արցախի տարածքների վերականգնմանը։
«Մենք զբաղվել ենք տարածքների վերականգնմամբ, և այսօր պատրաստ ենք միասին մտածել ու առաջարկել այդ խնդիրների համապարփակ լուծում»,- նշել է նա։
Սպասվում է, որ այցի ընթացում Տուրչինը հանդիպելու է Ադրբեջանի նախագահ Իլհամ Ալիևին, նաև բելառուսա-ադրբեջանական գործարար ֆորումին, որի ավարտին նախատեսվում է մի շարք պայմանագրերի ստորագրում։
Հիշեցնենք, որ անցյալ տարվա մայիսին էլ Բելառուսի նախագահ Ալեքսանդր Լուկաշենկոն Ադրբեջանի նախագահ Իլհամ Ալիևի ուղեկցությամբ այցելել էր ԼՂ տարածքներ, այդ թվում՝ էթնիկ զտման ենթարկված հայկական Շուշի։ Նա քաղաքին բելառուսական տրակտորային տեխնիկա էր նվիրել։
Թարգմանությունը՝ Էմմա Չոբանյանի
