13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Լուկաշենկոն Ալիևի հետ այցելել է Շուշի և քաղաքին տրակտորներ նվիրել․ ԼՈՒՍԱՆԿԱՐՆԵՐ
Քաղաքականություն
17.05.2024 | 15:48
Վարանդա այցից հետո Բելառուսի նախագահ Ալեքսանդիր Լուկաշենկոն Ադրբեջանի նախագահ Իլհամ Ալիևի ուղեկցությամբ այցելել է էթնիկ զտման ենթարկված Արցախի հայկական Շուշի քաղաք։ Ադրբեջանական լրատվամիջոցների հաղորդմամբ՝ նրանք շրջել են քաղաքում, այցելել բնակելի թաղամաս։ Լուկաշենկոյին ծանոթացրել են քաղաքի գլխավոր հատակագծին: Երկու երկրների նախագահները այցելել են «Հեյդար Ալիևը և Ղարաբաղը» ցուցահանդես։
Հաղորդվում է, որ Լուկաշենկոն Շուշի քաղաքին բելառուսական տրակտորային տեխնիկա է նվիրել։ Նա նշել է, որ եթե դուր գա, էլի կավելացնեն։
Հիշեցնենք, որ նախօրեին Ալիևի հետ բանակցություններին Լուկաշենկոն խնդրել էր Բելառուսին ներգրավվել Արցախում իրականացվող ծրագրերում՝նշելով, որ «հաղթելուց հետո, եկել է վերածննդի ծամանակը»։
«Հիմա եկել է դժվարին ժամանակը, երբ պետք է վերածնել այդ հողերը, պետք է վերադարձնել մարդկանց։ Հաղթել եք, հաղթանակը պահել, հիմա պետք է վերակենդանացնել։Եթե մենք կարող ենք ինչ-որ բանով օգնել, բարեկամաբար մասնակցել այդ գործին՝ տեխնիկա, ագրոքաղաքներ, աշխատատեղեր, որոշակի տեխնոլոգիաներ․․․ եթե դրանք պիտանի են, մեր տեխնիկան կարող է այստեղ մասնակցել ու աշխատել։ Ես բանակցություններում Իլհամ Ալիևին խնդրեցի, եթե հնարավոր է՝ Բելառուսին ինչ-որ տեղ տրամադրել, նախագահ Ալիևն աջակցել է այդ մոտեցմանը»,- հայտարարել էր Բելառուսի նախագահը։
