13.01.2026 | 12:12
Միրզոյան-Ռուբիո հանդիպում կլինի // Կրասնոդար-Երևան չվերթը կրկին չեղարկվել է․ ԼՈՒՐԵՐ
Ադրբեջանը հաջողությամբ ցեղասպանություն իրականացրեց ԼՂ հայերի դեմ․ Արտակ Բեգլարյանը՝ ԱՄՆ կոնգրեսում Ադրբեջանի վերաբերյալ լսումներին․ ՏԵՍԱՆՅՈՒԹ
Քաղաքականություն
30.04.2025 | 12:54
ԱՄՆ Կոնգրեսի Թոմ Լանթոսի Մարդու իրավունքների հանձնաժողովում անցկացվել են «Մարդու իրավունքները Ադրբեջանում ՄԱԿ-ի կլիմայի փոփոխության COP29 համաժողովից հետո» թեմայով լսումներ, որին մասնակցել է նաև Արցախի նախկին ՄԻՊ Արտակ Բեգլարյանը։ Նա ներկայացրել է Արցախում Ադրբեջանի կողմից իրականացրած հանցագործությունները։
«Մեծանալով կույր ու որբացած՝ իմ հայրենիքում ողբերգական հակամարտության պայմաններում, ես գիտեմ խաղաղության գինը, հակամարտության գինը և մարդու իրավունքների կարևորությունը։ Երեք տարիների ընթացքում Ադրբեջանը հաջողությամբ իրականացրել է ցեղասպանություն իմ ժողովրդի՝ Արցախի հայերի դեմ։ Սա մեթոդոլոգիական գործողություն էր՝ շրջափակմամբ ու սովով, ռազմական հարձակումներով, քաղաքացիական բնակչության սպանություններով, մեր առաջնորդների և այլ հայրենակիցների անօրինական առևանգմամբ, մշակութային ժառանգության ոչնչացմամբ։ 2023 թվականի սեպտեմներին իմ ժաղովուրդը, այդ թվում՝ իմ ընտանիքը, բռնի տեղահանվել է Արցախից։ Մենք հիմա ունենք 150,000 բնիկ հայեր, որոնք տեղահանվել են ու հնարավորություն չունեն վերադառնալ հայրենիք»,- ասել է նա։
Բեգլարյանը հավելել է՝ Արցախում կան ավերվածություննոր և մարդու իրավունքների խախտումներ, 6000 հուշարձանները Ադրբեջանի կողմից ոչնչացման վտանգի տակ են, նաև 23 հաստատած հայ գերիներ ունենք։
Նա, միաժամանակ, ընդգծել է՝ անկախ հետաքննությունները փաստում են, որ տեղի ունեցած այդ իրադարձությունները էթնիկ զտում ու ցեղասպանություն են։
Արտակ Բեգլարյանն առաջարկել է Բաքվի դեմ մի շարք միջոցեր կիրառել՝ թիրախային պատժամիջոցներ ադրբեջանցի այն պաշտոնայների նկատմամբ, որոնք պատասխանտու են հանցագործությունների համար, օրինակ, ճանապարհորդական արգելք, ակտիվների սառեցում, Ադրբեջանին ԱՄՆ ռազմական աջակցության և ցանկացած այլ օգնության դադարեցում, դիվաագիտական ճնշում, որպեսզի Բաքուն կատարի Արադարադատության միջազգային դատարանի որոշումները և ապահովի հայերի վերադարձը։
Նա նաև ընդգծել է, որ Ադրբեջանի նախագահ Իլհամ Ալիևը հիմա էլ Հայաստանի ինքնիշխան տարածքին է սպառնում նոր ագրեսիայով։
Մանրամասները՝ տեսանյութում։
Էմմա Չոբանյան
