30.05.2026 | 19:53
«Յունիսպորտը»` ֆուտզալի Հայաստանի չեմպիոն. ՏԵՍԱՆՅՈՒԹ
Վրաստանում մեկնարկել են ՆԱՏՕ-Վրաստան 2025 զորավարժությունները․ մասնակցում է նաև Հայաստանը
Քաղաքականություն
28.04.2025 | 19:53
Վրաստանի պաշտպանության նախարարությունը «ՆԱՏՕ-Վրաստան 2025» զորավարժություններ է անցկացնում։ Վրաստանի Առաջին ալիքը հաղորդում է, որ դրանք պաշտոնապես բացվել են Կրծանիսիի համատեղ ռազմական կենտրոնում։
Սա ՆԱՏՕ-Վրաստան չորրորդ զորավարժությունն է, որը Վրաստանում անցկացվում է երեք տարին մեկ։
«ՆԱՏՕ-Վրաստան 2025» զորավարժությունները հրամանատաշտաբային վարժանքներ են բրիգադի մակարդակի համակարգչային տեխնոլոգիաների օգտագործմամբ, որի նպատակն է Վրաստանի գլխավորած բազմազգ բրիգադի մակարդակի ստորաբաժանմանը պատրաստել ճգնաժամային գործողություններ պլանավորելու և իրականացնելու համար։
Զորավարժությունը կներառի դաշտային բաղադրիչ և բազմազգ շտաբային վերապատրաստում՝ ավելի լավ ցուցադրելով JTEC հրամանատարական և վերահսկողական կարողությունները և նպաստելով համակարգման բարելավմանը։ Զորավարժությունները պլանավորվել են Եվրոպայում դաշնակից ուժերի գերագույն հրամանատարության (SHAPE) և Վրաստանի պաշտպանական ուժերի գլխավոր շտաբի կողմից և անցկացվում են ՆԱՏՕ-ի կողմից մշակված սցենարի, համապատասխան ընթացակարգերի և դոկտրինների համաձայն։
Բազմազգ զորավարժություններին մասնակցում են ՆԱՏՕ-ի 17 անդամ և գործընկեր երկրներ, այդ թվում՝ Հայաստանը։ Մասնակիցներ երկրներն են Վրաստանը, Բուլղարիան, Ֆրանսիան, Գերմանիան, Հունաստանը, Հունգարիան, Իտալիան, Լիտվան, Լեհաստանը, Սլովակիան, Թուրքիան, Մեծ Բրիտանիան, ԱՄՆ-ը, Ադրբեջանը, Մոլդովաը, Հայաստանը և Թունիսը։ Դասընթացներին մասնակցում են նաև մի շարք միջազգային կազմակերպություններ և գերատեսչություններ։
Զորավարժությունները ներառում են նաև ՆԱՏՕ-Վրաստան հիմնական փաթեթով (SNGP) սահմանված վեց նախաձեռնություններ՝ ՆԱՏՕ-Վրաստան համատեղ վարժանքների և գնահատման կենտրոն (JTEC), ռազմական ճարտարագիտություն, ռազմական ոստիկանություն, ռազմական բժշկական կարողությունների զարգացում, հատուկ գործողությունների ուժեր և ստանդարտացում և կոդավորում։
Թարգմանությունը՝ Էմմա Չոբանյանի
