07.10.2026 | 23:48
Արթուր Դանիելյանը կալանավորվեց
Մոսկվան Կիևից ազդանշանի է սպասում՝ բանակցությունները վերսկսելու համար․ Պեսկով
Քաղաքականություն
28.04.2025 | 13:05
Ռուսաստանը սպասում է Կիևից ազդանշանի՝ բանակցությունները վերսկսելու համար։ Այս մասին հայտարարել է Կրեմլի խոսնակ Դմիտրի Պեսկովը, գրում է Ինտերֆաքսը։
«Կիևը պետք է ձեռնարկի որոշակի գործողություններ։ Կա օրենսդրական արգելք։ Դեռևս չենք տեսնում որևէ գործողություն»,- նշել է Պեսկովը։
Նա ասել է, որ «հատուկ ռազմական գործողությունը» շարունակվում է, նաև շարունակվում են ԱՄՆ ջանքերը՝ գործընթացը խաղաղ հուն տեղափոխելու համար՝ մեկնաբանելով ԱՄՆ նախագահ Դոնալդ Թրամփի խոսքերը Ռուսաստանից և Ուկրաինայից հարվածները դադարեցնելու անհրաժեշտության մասին։
«Նախագահը բազմիցս հաստատել է ռուսական կողմի պատրաստակամությունը՝ Ուկրաինայի հետ առանց որևէ նախապայմանի բանակցային գործընթաց սկսելու՝ խաղաղ հունով շարժվելու համար։ Ջանքերը շարունակվում են»,- նշել է Կրեմլի խոսնակը։
ՌԴ նախագահ Վլադիմիր Պուտինը ևս նախկինում բազմիցս հայտարարել է, որ Մոսկվայի և Կիևի միջև բանակցություններն անհնար են Վլադիմիր Զելենսկիի կողմից սահմանված արգելքի պատճառով։
Հիշեցնենք, որ ապրիլի 25-ին Մոսկվայում տեղի է ունեցել Պուտինի հանդիպումը Թրամփի հատուկ բանագնաց Սթիվ Ուիթկոֆի հետ։ Բանակցություններից հետո ՌԴ նախագահի օգնական Յուրի Ուշակովը հայտարարել էր, որ հանդիպմանը քննարկվել է ՌԴ-ի և Ուկրաինայի միջև ուղիղ բանակցությունների վերսկսման հնարավորությունը։
Թարգմանությունը՝ Էմմա Չոբանյանի
