17.07.2026 | 09:33
ՀՀ տարածքում ավտոճանապարհներն անցանելի են
Պուտինի և Ուիթկոֆի հանդիպումը 3 ժամ է տևել. քննարկվել է ՌԴ-ի և Ուկրաինայի միջև ուղիղ բանակցությունների վերսկսման հնարավորությունը
Քաղաքականություն
25.04.2025 | 20:35
Ռուսաստանի նախագահ Վլադիմիր Պուտինի և ԱՄՆ նախագահի հատուկ բանագնաց Սթիվ Ուիթկոֆի հանդիպումն ավարտվել է։ Այն անցկացվել է Կրեմլում և տևել է 3 ժամ, լրագրողներին հայտնել է Ռուսաստանի նախագահի օգնական Յուրի Ուշակովը։
«Կայացել է երեք ժամանոց զրույց, որը կառուցողական էր և շատ օգտակար։ Ինչ վերաբերում է ուկրաինական ճգնաժամին, ապա քննարկումը, մասնավորապես, վերաբերել է Ռուսաստանի Դաշնության և Ուկրաինայի ներկայացուցիչների միջև ուղիղ բանակցությունների վերսկսման հնարավորությանը»,- ասել է Կրեմլի ներկայացուցիչը, փոխանցում է Interfax-ը։
Նա նշել է, որ զրույցը թույլ է տվել ավելի մոտեցնել Ռուսաստանի և Միացյալ Նահանգների դիրքորոշումները ոչ միայն Ուկրաինայի, այլև մի շարք այլ միջազգային հարցերի վերաբերյալ։
Հավելենք, որ սա Պուտինի և Ուիթկոֆի երկրորդ հանդիպումն է վերջին երկու շաբաթվա ընթացքում և չորրորդը՝ տարվա սկզբից ի վեր։
Ուիթկոֆի և Պուտինի վերջին հանդիպումը տեղի էր ունեցել ապրիլի 11-ին Սանկտ Պետերբուրգում։
Թարգմանությունը՝ Էմմա Չոբանյանի
