Քաղաքականություն
27.04.2025 | 11:38
Կանադայի Վանկուվեր քաղաքում, «Լապու Լապու» փառատոնի ընթացքում վարորդը մեքենայով մխրճվել է բազմության մեջ, կան զոհեր և վիրավորներ։ Կանադական Global News-ի աղբյուրները հայտնում են, որ առնվազն 8 մարդ է զոհվել, այդ թվում՝ մեկ երեխա, և առնվազն վեց մարդ վիրավորվել է։
Վանկուվերի ոստիկանությունը դեռևս չի հաստատել այս թվերը։
Վկաները ԶԼՄ-ին հայտնել են, որ սև գույնի Audi մակնիշի ամենագնացը ժամը 20:00-ի սահմաններում մեքենայով անցել է բազմության միջով։ 30-ամյա կասկածյալը, որը Վանկուվերի բնակիչ է, ձերբակալվել է դեպքի վայրում։
Մեկ վկա Global News-ին պատմել է, որ տեսել է՝ ինչպես է մեքենան հարվածել բազմաթիվ մարդկանց։
Վանկուվերի ոստիկանությունը դեռ մանրամասներ չի հրապարակել կատարվածի վերաբերյալ։
