13.01.2026 | 18:59
Համոզված եմ, որ այլևս պատերազմ չի լինի. Ալիև
Վլադիմիր, կանգնի՛ր. Ուկրաինային հասցված հերթական հարվածներից հետո Թրամփը դիմել է Պուտինին
Քաղաքականություն
24.04.2025 | 17:36
ԱՄՆ նախագահ Դոնալդ Թրամփը քննադատել է ռուսական բանակի կողմից Ուկրաինայի, այդ թվում՝ Կիևի վրա զանգվածային հարձակումը։
«Ես գոհ չեմ Կիևի վրա Ռուսաստանի հարվածներից։ Դրա անհրաժեշտությունը չկա, և շատ վատ ժամանակ է ընտրվել։ Վլադիմիր, կանգնի՛ր։ Շաբաթական 5000 զինվոր է մահանում։ Եկեք խաղաղության համաձայնագիրը կնքենք»,- գրել է Թրամփը Truth Social սոցցանցում։
Հիշեցնենք, որ ապրիլի լույս 24-ի գիշերը ռուսական զորքերը զանգվածային հրթիռային և անօդաչու թռչող սարքերով հարված են հասցրել Ուկրաինայի մի շարք շրջաններին, այդ թվում՝ Կիևին։ Վերջին տվյալներով՝ այստեղ առնվազն 9 մարդ է զոհվել։ Վիրավորվել է 90 մարդ, որոնցից 44-ը հիվանդանոցներում է։
Ռուսաստանի Պաշտպանության նախարարությունը հայտարարել է, թե հարվածի թիրախը եղել են Ուկրաինայի ռազմական օբյեկտները։ Նշվում է, որ ռուսական զորքերը զանգվածային հարված են հասցրել «Ուկրաինայի ավիացիայի, հրթիռային և տիեզերական, մեքենաշինության և զրահատեխնիկայի արդյունաբերության ձեռնարկություններին, ինչպես նաև հրթիռային վառելիքի և վառոդի արտադրության ձեռնարկություններին»։
Թարգմանությունը՝ Էմմա Չոբանյանի
