Լոնդոնում մեկնարկել են Ուկրաինայի հարցով նախարարների մակարդակով բանակցությունները. Sky News

Քաղաքականություն

23.04.2025 | 17:52

Լուրեր

29.04.2026 | 23:40

Հայաստան–ՄԱԿ համագործակցություն․ ուշադրության կենտրոնում՝ խոցելի խմբերի պաշտպանությունը

29.04.2026 | 23:34

Մուստաֆաևը, Ալեքսանյանի Rols-Roys-ն ու Աղվերանի փակ հանդիպումը․ ինչ է հայտնի Բաքվի պաշտոնյայի այցից․ ՏԵՍԱՆՅՈՒԹ

29.04.2026 | 23:21

Փաստաբանը ՔԿՀ մուտք գործելիս բջջային հեռախոսները թաքցրել էր նոթբուքում. ՔԿԾ

29.04.2026 | 23:06

Վանաձորում կանխվել է սպանության փորձ, ձերբակալվել է զինված խումբ. ՆԳՆ

29.04.2026 | 22:45

ՀՀ տարածքում ավտոճանապարհները հիմնականում անցանելի են

29.04.2026 | 22:21

Պուտինն ու Թրամփը հեռախոսազրույց են ունեցել

29.04.2026 | 22:08

Կենտրոնում գրեթե ամբողջ շաբաթ փոշու պարունակությունը գերազանցել է սահմանային թույլատրելի կոնցենտրացիան

29.04.2026 | 21:52

Թրամփը Սպիտակ տանը հանդիպել է էներգետիկ ընկերությունների ղեկավարների հետ

29.04.2026 | 21:38

Հայաստանի գավաթ․ «Նոան» և «Ուրարտուն» կհանդիպեն եզրափակիչում. ՏԵՍԱՆՅՈՒԹ

29.04.2026 | 21:28

Երևանի և 8 մարզի մի շարք հասցեներում էլեկտրաէներգիայի անջատումներ կլինեն

29.04.2026 | 21:13

Մերցը պնդում է, որ Թրամփի հետ իր հարաբերությունները «մնում են լավ», չնայած ԱՄՆ նախագահի քննադատությանը

29.04.2026 | 21:00

Փաշինյանի խոսնակի գրառման և ՀՀ դեսպանի՝ ԱՄՆ պետդեպ կանչվելու մասին պնդումները կեղծիք են ռուսական «Մատրյոշկայի» ոճով

29.04.2026 | 20:47

Փաշինյանը ծանոթացել է Գեղարքունիքի մարզում իրականացված ծրագրերին. ԼՈՒՍԱՆԿԱՐՆԵՐ

29.04.2026 | 20:30

Քոչարյանը խանգարում է Սամվել Կարապետյանին, օգնում՝ Փաշինյանին․ Կարապետյանի մոտ չկա՞ այդ ընկալումը․ Նորայր Նորիկյան. ՏԵՍԱՆՅՈՒԹ

29.04.2026 | 20:13

Բեռնատարը դուրս է եկել ճանապարհի երթևեկելի հատվածից և կողաշրջվել

Բոլորը

Լոնդոնում մեկնարկել են Ուկրաինայի վերաբերյալ բանակցություններ ազգային անվտանգության խորհրդականների մակարդակով։ Նախկինում ծրագրվում էր, որ բանակցություններն ընթանալու են նախարարների մակարդակով, հաղորդում է « ՌԲԿ-Ուկրաինան»՝ հղում անելով Sky News-ին։

Ըստ պարբերականի՝ Լոնդոնում շարունակվում են պատերազմի դադարեցման խաղաղ ծրագրի վերաբերյալ բանակցությունները Ուկրաինայի, Մեծ Բրիտանիայի, ԱՄՆ-ի, Ֆրանսիայի և Գերմանիայի միջև։

Sky News-ի տվյալներով՝ մեկնարկել են ցածր մակարդակով բանակցությունները. քննարկումներն անցկացվում են Մեծ Բրիտանիայի, Ֆրանսիայի և Գերմանիայի ազգային անվտանգության խորհրդականների մասնակցությամբ, ինչպես նաև Ուկրաինայի և ԱՄՆ-ի պաշտոնատար անձանց ներկայությամբ։

Հիշեցնենք, որ նախկինում ակնկալվում էր, որ Լոնդոնում կանցկացվեն բանակցություններ հինգ երկրների արտաքին գործերի նախարարների մակարդակով։ Սակայն ԱՄՆ պետքարտուղար Մարկո Ռուբիոն չեղարկեց այցը Լոնդոն։

Բրիտանիայի պաշտպանության նախարար Ջոն Հիլին պետք է հանդիպի ԱՄՆ նախագահի՝ Ուկրաինայի հարցերով հատուկ ներկայացուցիչ Քիթ Քելոգի հետ, որը քննարկումներում ներկայացնում է Վաշինգտոնը Ռուբիոյի փոխարեն։

Ավելի վաղ արևմտյան լրատվամիջոցները հայտնել էին, որ Միացյալ Նահանգները նախատեսում էր ներկայացնել յոթ կետից բաղկացած ծրագիր։ Սակայն այն հակասում է Ուկրաինայի դիրքորոշմանը, մասնավորապես, ծրագրով նախատեսվում է հրաժարում տարածքներից և ՆԱՏՕ-ի անդամակցության գաղափարից։ Նախագահ Վլադիմիր Զելենսկին ընդգծել է, որ Ուկրաինան չի ճանաչի Ղրիմի ռուսական օկուպացիան, ինչպես նաև ՌԴ-ի կողմից բռնակցված այլ տարածքները։

ԶԼՄ-ները հայտնել են, որ ԱՄՆ պետքարտուղար Մարկո Ռուբիոն չի ժամանել Լոնդոն և դրա պատճառը Զելենսկիի կողմից ԱՄՆ-ի հիմնական առաջարկից՝ Ղրիմը ՌԴ-ի մաս ճանաչելուց հրաժարվելն է։

Լոնդոն Ռուբիոյի չժամանելու պատճառով էլ, փաստացի, չեղյալ է հայտարարվել արտաքին գործերի նախարարների մակարդակով հանդիպումը։

Այնուամենայնիվ, Ուկրաինայի պատվիրակությունը ժամանել է Լոնդոն, որտեղ ընթանում են բանակցություններն ավելի ցածր մակարդակով։

Ավելի վաղ տեղեկացրել էինք, որ Լոնդոնում կայացել է Ուկրաինայի և Մեծ Բրիտանիայի արտգործնախարարների հանդիպումը։