08.10.2026 | 15:55
Եթե միտում լիներ դահլիճ մտնելու, կմտնեին. Տիգրան Աբրահամյանը` օգնականների գործողությունների մասին․ ՏԵՍԱՆՅՈՒԹ
Լոնդոնում մեկնարկել են Ուկրաինայի և Մեծ Բրիտանիայի ԱԳ նախարարների բանակցությունները
23.04.2025 | 16:20
Լոնդոնում մեկնարկել է Ուկրաինայի և Մեծ Բրիտանիայի արտգործնախարարների հանդիպումը։ «Արմենպրես»-ի փոխանցմամբ՝ այս մասին հայտնում է RBK Ukraine պարբերականը։
Լոնդոն ժամանած պատվիրակության կազմում են Ուկրաինայի նախագահի աշխատակազմի ղեկավար Անդրեյ Երմակը, արտաքին գործերի նախարար Անդրեյ Սիբիհան և պաշտպանության նախարար Ռուստեմ Ումերովը։
Ուկրաինայի ներկայացուցիչները բանակցություններ կվարեն Մեծ Բրիտանիայի արտաքին գործերի նախարար Դեյվիդ Լեմիի և պաշտպանության նախարար Ջոն Հիլիի հետ։
«Մենք երախտապարտ ենք Մեծ Բրիտանիային իր առաջնորդության ու աջակցության համար, մենք կքննարկենք Ուկրաինան ամրապնդելու և երկարաժամկետ խաղաղությունն ու անվտանգությունը երաշխավորելու ուղիները», – նշել է արտաքին գործերի նախարար Անդրեյ Սիբիհան։
Ապրիլի 23-ին Լոնդոնում պետք է կայանար Ուկրաինայի, Մեծ Բրիտանիայի, ԱՄՆ-ի, Ֆրանսիայի և Գերմանիայի արտաքին գործերի նախարարների հանդիպումը։ Այդ հանդիպմանն ԱՄՆ-ն պետք է ներկայացներ յոթ կետից բաղկացած կարգավորման ծրագիր, որը ներառում է ԱՄՆ-ի կողմից Ղրիմի նկատմամբ Ռուսաստանի ինքնիշխանության ճանաչումը։ Սակայն Ուկրաինայի նախագահ Վոլոդիմիր Զելենսկին մերժել է առաջարկը, ինչի պատճառով ԱՄՆ պետքարտուղար Մարկո Ռուբիոն չեղարկել է իր ուղևորությունը Մեծ Բրիտանիա։
Արդյունքում հանդիպումը պետք է կայանա ոչ թե արտգործնախարարների, այլ հինգ երկրների այլ բարձրաստիճան պաշտոնյաների մակարդակով։
