29.04.2026 | 23:06
Վանաձորում կանխվել է սպանության փորձ, ձերբակալվել է զինված խումբ. ՆԳՆ
Չինաստանն աջակցում է Ադրբեջանին ԱՀԿ-ին շուտափույթ անդամակցության հարցում
Քաղաքականություն
23.04.2025 | 12:51
Չինաստանը աջակցում է Ադրբեջանի՝ Առևտրի համաշխարհային կազմակերպություն շուտափույթ անդամակցության հարցում: Ադրբեջանական լրատվամիջոցների հաղորդմամբ՝ այս մասին ասվում է «Ադրբեջանի Հանրապետության և Չինաստանի Ժողովրդական Հանրապետության միջև համապարփակ ռազմավարական գործընկերության հարաբերությունների հաստատման մասին համատեղ հայտարարության» մեջ, որը ստորագրվել է Ադրբեջանի Հանրապետության նախագահ Իլհամ Ալիևի և Չինաստանի Ժողովրդական Հանրապետության նախագահ Սի Ծինփինի կողմից ապրիլի 23-ին Պեկինում:
«Չինաստանն աջակցում է Առևտրի համաշխարհային կազմակերպությանն (ԱՀԿ) Ադրբեջանի արագ անդամակցությանը: Կողմերը հանդես են գալիս միջազգային ֆինանսական ճարտարապետության բարեփոխումների խթանման օգտին՝ համաշխարհային տնտեսական փոփոխություններն ավելի դրական արտացոլելու նպատակով»,- ասվում է Համատեղ հայտարարության մեջ:
Նշվում է նաև, որ կողմերն աջակցում են առևտրի և ներդրումների ազատականացմանն ու պարզեցմանը, համատեղ ջանքերով պաշտպանում են բազմակողմ առևտրային համակարգը՝ հանուն երկու երկրների բարգավաճման:
