04.10.2026 | 22:31
Եղիշե Մելիքյանը և Իգոչուկվու Իվուն՝ Չեռնոգորիայի հավաքականի դեմ խաղի մասին. ՏԵՍԱՆՅՈՒԹ
Իշխանությունն ու ընդդիմությունը մրցում են`ով ավելի զարհուրելի, գռեհիկ խոսք կասի. Հենրիկ Էդոյան. ՏԵՍԱՆՅՈՒԹ
Քաղաքականություն
19.04.2025 | 19:00
«Մշակույթն առանց բոհեմի չի լինում, իսկ Երևանում բոհեմը կորցրեցինք, այն վերացավ: Հիմա չկան այնպիսի վայրեր, որտեղ կհավաքվեն մտավորականները, զրույցներ կունենան: Նրանք ցաքուցրիվ են, բաժանված: Չեմ կարծում, թե նոր սերունդը կկարողանա ձևավորել այդ բոհեմը, գուցե ժամանակի ընթացքում այլ ֆորմատով մի բան ստեղծվի»,- Factor TV-ի հետ զրույցում տեսակետ է հայտնում բանաստեղծ, գրականագետ Հենրիկ Էդոյանը:
Նա խոսում է նաև մեր հանրային տրամադրությունների, մեզանում ատելության խոսքի ծավալների մեծացման մասին. «Այսօր իշխանությունն ու ընդդիմությունը մրցում են`ով ավելի զարհուրելի, գռեհիկ խոսք կասի: Իսկ ժողովրդի համար այսօր օրինակ են պաշտոնյաները, ոչ թե արվեստագետները, նրանց են ընդօրինակում: Ամեն դեպքում, մեր պառլամենտն առաջ ավելի վատն էր. հիմա գռեհիկ խոսք էլ կա, բայց գոնե հայերեն լավ են խոսում»:
Բանաստեղծի կարծիքով` պոեզիան և, առհասարակ, արվեստը էական ազդեցություն չի կարող ունենալ հասարակական կյանքի վրա, բայց փոխարենը կարող է ազդել անհատի ձևավորման վրա. «Հասարակությունը բաղկացած է անհատներից: Հիմա, օրինակ, անիմաստ է քաղաքական թեմայով բանաստեղծություն գրելը, դա ոչ ոքի օգուտ չի տա, բայց հոգևոր բանաստեղծությունը կկերտի անհատի, որն էլ իր հերթին հասարակությանը պիտանի անդամ կդառնա»,-ասում է Հենրիկ Էդոյանը:
Մանրամասները`տեսանյութում:
Աննա Բաբաջանյան
