25.05.2026 | 00:01
Մայիսի 25-ի վաղ առավոտյան ՀՀ ԶՈւ ավիացիան Երևանի կենտրոնում կատարելու է թռիչք․ ՊՆ
Թեհրանը պատրաստ է օգնել Հայաստանին և Ադրբեջանին խաղաղության հասնելու հարցում․ Իրանի ԱԳ փոխնախարար
Քաղաքականություն
17.04.2025 | 14:23
Լեռնային Ղարաբաղի շուրջ տասնամյակներ տևած լարվածությունից հետո Հայաստանի և Ադրբեջանի միջև խաղաղության համաձայնագիրը, կարծես, անխուսափելի է։ Երկու երկրների հետ էլ բարեկամական կապեր ունեցող Իրանն առաջարկում է նպաստել վերջնական համաձայնագրի ստորագրմանը։ The Tehran Times-ի փոխանցմամբ՝ այս մասին հայտարարել է Իրանի ԱԳ փոխնախարար Մաջիդ Թախտ Ռավանչին։
Նա նշել է Թեհրանի հանձնառությունը հարևան երկրների հետ բարիդրացիական հարաբերություններին և պատրաստակամությունը՝ օգնելու Երևանին ու Բաքվին համաձայնության հասնելու հարցում։ Պաշտոնյան ընդգծել է համաձայնագրի կարևորությունը տարածաշրջանային կայունության համար և կոչ արել երկու երկրներին կենտրոնանալ ապագայի վրա՝ նշելով, որ փաստաթուղթը պատրաստ է անհապաղ ստորագրման: Նա դատապարտել է տարածքային ամբողջականության ցանկացած խախտում՝ ընդգծելով, որ ռազմական ուժ չպետք է կիրառվի մեկ այլ երկրի տարածքն օկուպացնելու համար։
Իրանի ԱԳ փոխնախարարը տարածաշրջանային համագործակցության կոչ է արել՝ հիմնված փոխադարձ հարգանքի և միջազգային իրավունքի վրա՝ խաղաղ ապագա ապահովելու համար։
Հիշեցնենք, որ ՀՀ-ն ու Ադրբեջանը մարտին հայտարարել էին, որ խաղաղության համաձայնագրի նախագծի տեքստի շուրջ համաձայնության հասնելու։ Մինչ Երւանը հայտարարում է, որ պատրաստ է ստորագրել պայմանագիրը, Բաքուն շարունակում է տարբեր նախապայմաններ(կապված ՀՀ Սահմանադրության փոփոխության ու ԵԱՀԿ Մինսկի խմբի լուծարման հետ) առաջ քաշել փաստաթուղթը չստորագրելու համար։ Մասնավորապես, վերջերս Ադրբեջանի ԱԳ նախարար Ջեյհուն Բայրամովը հայտարարել էր, թե խաղաղության պայմանագրի ստորագրումն անհնար է, քանի դեռ «ՀՀ Սահմանադրությունում տարածքային պահանջները շարունակվում են»։
Թարգմանությունը՝ Էմմա Չոբանյանի
