05.11.2026 | 20:33
«Երևանը դեռ կարող է վերադառնալ ՀԱՊԿ»․ Զախարովան դժգոհել է Հայաստանի՝ ԵՄ-ին մերձենալու քաղաքականությունից
Մոսկվան Բաքվին ու Երևանին զսպվածության կոչ է անում․ Զախարովան՝ հայ-ադրբեջանական սահմանային լարվածության մասին․ ՏԵՍԱՆՅՈՒԹ
Քաղաքականություն
09.04.2025 | 14:09
ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթվա ճեպազրույցում անդրադարձել է հայ-ադրբեջանական սահմանային լարվածությանը։
Արձագանքելով հարցին, որ Ադրբեջանի ՊՆ-ն պարբերաբար ապատեղեկատվություն է տարածում հրադադարի խախտման մասին և հենց Բաքուն է կրակում ՀՀ սահմանամերձ շրջանների ուղղությամբ, նոր էսկալացիայի պատրվակ փնտրում, Զախարովան հայտարարել է, որ հետևում են իրավիճակին։
«Հաստատում ենք մեր կոչը Բաքվին ու Երևանին՝ զսպվածություն դրսևորել, քայլեր ձեռնարկել լարվածության ապաէսկալացիայի ուղղությամբ, խուսափել գործողություններից, որոնք կարող ենք հետընթացի բերել։ Բոլոր հարցերը պետք է լուծել բացառապես խաղաղ, քաղաքական, դիվանագիտական ճանապարհով։ Մեր կողմից պատրաստ ենք գործընկերներին աջակցություն ցուցաբերել՝ հաղթահարելու առկա հակասությունները խաղաղության պայմանագրի ստորագրման համար, նաև տրանսպորտային ու տնտեսական հաղորդակցություների, սահմանների դելիմիտացիայի, հումանիտար հարցերի համար՝ համաձայն եռակողմ պայմանավորվածությունների»,- հայտարարել է ՌԴ ԱԳՆ պաշտոնական ներկայացուցիչը։
Մանրամասները՝ տեսանյութում։
Էմմա Չոբանյան
