08.09.2026 | 17:22
Հայկական ճարտարապետության նոր հասցեն․ Amanoo-ի միջազգային ճանապարհը
Փարիզի քաղաքային խորհուրդը Ստամբուլի կալանավորված քաղաքապետին պատվավոր քաղաքացու կոչում է շնորհել
Քաղաքականություն
08.04.2025 | 23:27
Ֆրանսիայի մայրաքաղաքը Ստամբուլի կալանավորված քաղաքապետ Էքրեմ Իմամօղլուին պատվավոր քաղաքացու կոչում է շնորհել, իսկ քաղաքապետ Անն Իդալգոն իր աջակցությունն է հայտնել ընդդիմադիր գործչին, գրում է Turkish Minute-ը՝ վկայակոչելով AFP-ին։
«Իմամօղլուին այսօր անարդարացիորեն թույլ չեն տալիս ներկայացնել իր կուսակցությունը և ստանալ միլիոնավոր թուրք ժողովրդի ձայնը»,- ասել է Անն Իդալգոն քաղաքային խորհրդին, երբ վերջինը քվեարկել է Իմամօղլուին պատվավոր քաղաքացու կոչում շնորհելու օգտին:
«Ազատությունից ու հիմնարար իրավունքներից զրկված՝ նա պետք է հույս դնի Փարիզի լիակատար աջակցության վրա»,- հավելել է Իդալգոն՝ Փարիզն անվանելով «մարդու իրավունքների մայրաքաղաք»։
Նա նշել է, որ աջակցության այս ցուցադրությունը «թույլ կտա Թուրքիայի ներկայիս իշխանություններին լսել ժողովրդավարական բանականության ձայները»։
Անն Իդալգոն մի քանի եվրոպացի քաղաքապետների թվում է, որոնք անցյալ ամիս կոչ էին արել ազատ արձակել Իմամօղլուին:
Նշենք, որ Թուրքիայում զանգվածային բողոքի ցույցեր են սկսվել նախագահ Ռեջեփ Թայիփ Էրդողանի գլխավոր մրցակից Էքրեմ Իմամօղլուի՝ մարտի 19-ի ձերբակալումից և դրան հաջորդած կալանավորումից հետո։
Թարգմանությունը՝ Էմմա Չոբանյանի
