08.09.2026 | 18:24
Մալաթիայի բաժնի համայնքային ոստիկանները դրամանենգության դեպք են բացահայտել․ 68-ամյա տղամարդը ձերբակալվել է
Եվրահանձնաժողովը 3,5 միլիարդ եվրո է փոխանցել Ուկրաինային
Քաղաքականություն
01.04.2025 | 18:16
Եվրահանձնաժողովը Ուկրաինային է փոխանցել հերթական տրանշը Ukraine Facility ծրագրի շրջանակում։ Այս մասին հայտարարել է Ուկրաինայի վարչապետ Դենիս Շմիգալը, գրում է Европейская правда-ն։
Նա նշել է, որ Եվրահանձնաժողովն Ուկրաինային 3,5 միլիարդ եվրո է փոխանցել ծրագր շրջանակում։ Շմիգալն ասել է, որ այդ միջոցները կօգնեն երկրին հետագայում պահպանել մակրոտնտեսական կայունությունը։
«Եվրահանձնաժողովը նշել է մեր երկրի հանձնառությունը ԵՄ-ին լիիրավ անդամակցության ճանապարհին բարեփոխումներ իրականացնելու հարցում»,- ասել է նա՝ հավելելով, որ Ukraine Facility մեխանիզմի շրջանակում ընդհանուր ֆինանսական օգնությունն արդեն հասել է 19,6 միլիարդ եվրոյի։
Ուկրաինայի էկոնոմիկայի նախարար Յուլիա Սվիրիդենկոն էլ հայտնել է, որ ստացված 3,5 միլիարդ եվրոյից 3,1 միլիարդն արտոնյալ վարկեր են, 400 միլիոնը՝ դրամաշնորհային միջոցներ։ Դրանք կօգնեն ծածկել բյուջեի կարևոր և առաջնահերթ ծախսերը։
Թարգմանությունը՝ Էմմա Չոբանյանի
