16.12.2025 | 12:35
Շնչառական վարակներն ակտիվացել են․ ինչպես պայքարել․ ՈՒՂԻՂ
Ամերիաբանկը 100 մլն դրամ կուղղի երեխաների առողջության և կրթության ոլորտներում ծրագրերի իրականացմանը
28.03.2025 | 19:15
Վճարովի բովանդակություն
Ամերիաբանկն ամփոփել է «Իմ Ամերիա, իմ Հայաստան» արշավի շրջանակում անցկացված ԿՍՊ քվեարկության արդյունքները, որին կարող էին մասնակցել բոլորը։ Քվեարկության միջոցով բանկը հնարավորություն է տվել հանրությանը որոշելու, թե իր՝ 2025թ. կորպորատիվ սոցիալական պատասխանատվության ծրագրերի և բարեգործության բյուջեից որ ոլորտները պետք է ստանան 100 մլն դրամի ֆինանսավորում։
Քվեարկության արդյունքում առավելագույն ձայներ են հավաքել երեխաների առողջության և կրթության ոլորտները։ Տվյալ ոլորտների ներքո ծրագրեր իրականացնելու համար Ամերիաբանկը csr.ameriabank.am կայքում առանձնացրել է չափանիշներ, որոնց համապատասխանելու դեպքում ՀՀ-ում գործող հիմնադրամները և հասարակական կազմակերպությունները կարող են ներկայացնել ծրագրեր: Դիմումների ընդունման վերջնաժամկետն ապրիլի 15-ն է:
Նշենք, որ քվեարկությանը հնարավոր էր մասնակցել 2024 թվականի հոկտեմբերի 16-ից մինչև դեկտեմբերի 31-ը։ Ընտրությունը ութ ոլորտների միջև էր․ բացի ընտրված ոլորտներից, քվեարկել կարելի էր կայուն զարգացման, փոքր և միջին բիզնեսի, տեղեկատվական տեխնոլոգիաների, գիտության, մշակույթի և սպորտի ոլորտների օգտին։
Հիշեցնենք, որ Ամերիաբանկի «Իմ Ամերիա, իմ Հայաստան» նախագիծը մեկնարկել էր 2024 թվականի հոկտեմբերին։ Նախագծի շրջանակում իրականացվեց երեք արշավ՝ «Իմ Ամերիա, իմ Հայաստան», «Իմ Ամերիա, իմ տուն» և «Իմ Հայաստան, իմ ապագա»։ Արշավների նպատակն էր միավորել մարդկանց Ամերիաբանկի առաքելության շուրջ՝ բարելավելու կյանքի որակը:
