09.08.2026 | 18:10
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
Իսրայելը հարվածներ է հասցրել Բեյրութի հարավին
Քաղաքականություն
28.03.2025 | 17:11
Լիբանանի պաշտոնական լրատվամիջոցները հաղորդում են հարավային Բեյրութին հասցված ավիահարվածի մասին՝ իսրայելցի զինվորականների նախազգուշացումից հետո։ Սա իսրայելական կողմի առաջին հարձակումն է նոյեմբերի հրադադարից հետո, գրում է France 24-ը։
«Իսրայելական ռազմական ինքնաթիռները թիրախավորել են Բեյրութի հարավային արվարձանում գտնվող Հադաթ շրջանը», – հաղորդում է Ազգային լրատվական գործակալությունը։
Այս տարածքը խիտ բնակեցված է, նաև բազմաթիվ դպրոցներ կան։ Հարվածից կարճ ժամանակ առաջ Իսրայելի բանակը Բեյրութի հարավային արվարձանների Հադաթի բնակիչներին տարհանելու հրաման է արձակել: Զինվորականները նրանց կոչ են արել անհապաղ լքել «Հըզբոլլահ»-ի օբյեկտների շրջակա տարածքը։ Նշվում է, որ Հադաթի բնակիչները խուճապահար փախել են մեքենաներով և ոտքով։
Հրամանն արձակվել է այն ժամանակ, երբ Լիբանանի նախագահ Ժոզեֆ Աունը Փարիզում բանակցություններ է սկսել Ֆրանսիայի նախագահ Էմանուել Մակրոնի հետ՝ քննարկելու տնտեսական բարեփոխումներն ու երկիրը կայունացնելու ջանքերը: Իր առաջին ուղևորությունը կատարելով արևմտյան երկիր՝ նա փորձում է աջակցություն ապահովել Փարիզից այն բանից հետո, երբ նոր վարչապետ Նաուաֆ Սալամը կարողացել է կառավարություն ձևավորել երկու տարվա փակուղուց հետո:
Թարգմանությունը՝ Էմմա Չոբանյանի
