08.09.2026 | 20:02
Անդրանիկ Թևանյանի խափանման միջոցը երկարացվել է 3, Արեգնազ Մանուկյանինը՝ 1 ամսով
ՌԴ ՊՆ-ն Կիևին մեղադրել է Սուջայի գազաչափման կայանը «փաստացի ոչնչացնելու» մեջ
Քաղաքականություն
28.03.2025 | 15:58
ՌԴ Օաշտպանության նախարարությունը Ուկրաինային մեղադրել է Ռուսաստանի տարածքում էներգետիկ օբյեկտներին նոր հարվածներ հասցնելու մեջ, փոխանցում է BBC-ի ռուսական ծառայությունը։
Գերատեսչությունը հայտարարել է, թե Ուկրաինան մարտի 28-ին HIMARS-ի արկերով հարված է հասցրել Կուրսկի մարզում գտնվող Սուջա քաղաքի գազային չափիչ կայանին։ Հայտարարության մեջ ասվում է, որ հարվածի հետևանքով կայանում հրդեհ է բռնկվել, «էներգաբլոկը փաստացի ոչնչացվել է»։
Բացի այդ, ՌԴ ՊՆ-ն պնդում է, թե մարտի 27-ին «Բելգորոդէներգո»-ն վնասվել է Ուկրաինայից հարվածների ժամանակ, որը Շեբեկինսկի թաղամասում հոսանքազրկման պատճառ է դարձել։
Հիշեցնենք, որ մեկ շաբաթ առաջ՝ մարտի 21-ին, ՌԴ ՊՆ-ն Կիևին մեղադրել էր Կուրսկի շրջանից նահանջի ժամանակ Սուջայի գազաչափման կայանը պայթեցնելու մեջ։ Ուկրաինայի Զինված ուժերի գլխավոր շտաբն այդ ժամանակ հայտարարել էր, որ հենց Ռուսաստանն է հրետանիով հարվածել կայանին՝ Ուկրաինային վարկաբեկելու նպատակով, և որ ուկրաինական պաշտպանության ուժերը դրա հետ կապ չունեն։
Թարգմանությունը՝ Էմմա Չոբանյանի
