01.04.2025 | 10:56
Վիլեն Գաբրիելյանը խմբագրել է մանդատը վայր դնելու մասին գրառումը
Նախընտրական բանավեճ Գյումրիի համայնքապետի թեկնածուների մասնակցությամբ․ ՈՒՂԻՂ
Քաղաքականություն
27.03.2025 | 22:00
«Հանրային հեռուստաընկերության» ուղիղ եթերում մեկնարկել է Գյումրիի քաղաքապետի թեկնածուների մասնակցությամբ նախընտրական բանավեճը: Հեռուստաբանավեճին մասնակցում է 8 թեկնածու: Նախընտրական բանավեճին հրաժարվել է մասնակցել Գյումրիի քաղաքապետի թեկնածու, նախկին քաղաքապետ Վարդան Ղուկասյանը, որը գլխավորում է Հայաստանի կոմունիստական կուսակցությունը:
Տեղեկացնենք, որ Գյումրու արտահերթ ՏԻՄ ընտրություններին մասնակցում են 9 քաղաքական ուժ՝ 3 դաշինք և 6 կուսակցություն:
Դաշինքներն են՝ «Մայր Հայաստանը», «Մեր քաղաքը» և «Եվրադաշինքը»։
Գյումրիի քաղաքապետի ընտրությանը մասնակցում է «Կոմունիստական կուսակցությունը», որի ցուցակը գլխավորում է Գյումրու նախկին քաղաքապետ Վարդան Ղուկասյանը։
Նրանց ցուցակը բաղկացած է 33 հոգուց: Ընտրություններին մասնակցում է « Իմ հզոր համայնք» կուսակցությունը, որի քաղաքապետի թեկնածուն պրոդյուսեր Ռուբեն Մխիթարյանն է։ Նրանց ցուցակը բաղկացած է 40 թեկնածուից։
«Հայաստանի աշխատավորական սոցիալիստական կուսակցությունը» 32 հոգանոց ցուցակով է մասնակցում ՏԻՄ ընտրությանը, որի քաղաքապետի թեկնածուն Արտյոմ Թումանյանն է։
«Ապրելու երկիր» կուսակցությունը 30 հոգանոց ցուցակով է մասնակցում ընտրությանը։ Այն գլխավորում է ավագանու նախկին անդամ Կարեն Մալխասյանը, «Մեր քաղաքը» դաշինքը 34 հոգանոց ցուցակով է, այն գլխավորում է ԱԺ պատգամավոր Մարտուն Գրիգորյանը։
«Դեմոկրատական այլընտրանք» կուսակցությունը ունի 23 հոգանոց ցուցակ, այն գլխավորում է Արտյոմ Ղարաղազարյանը։
«Քաղաքացիական պայմանագիր» կուսակցությունը ունի 99 հոգանոց ցուցակ, այն գլխավորում է Գյումրու քաղաքապետի պաշտոնակատար Սարիկ Մինասյանը։
«Մայր Հայաստան» դաշինքն ունի 56 հոգանոց ցուցակ, այն գլխավորում է Կարեն Սիմոնյանը։ Իսկ «Եվրադաշինքը»՝ 25 հոգանոց ցուցակով, որը գլխավորում է լրագրողների «Ասպարեզ» ակումբի խորհրդի նախագահ Լևոն Բարսեղյանը։
