08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Մակրոնը հայտարարել է, որ Ուկրաինայում եվրոպական ուժեր կտեղակայվեն
Քաղաքականություն
27.03.2025 | 20:28
Ֆրանսիայի նախագահ Էմանուել Մակրոնը հայտարարել է, որ Մեծ Բրիտանիայի հետ գլխավորում են ջանքերը՝ «զսպման ուժեր» ուղարկելու Ուկրաինա՝ Ռուսաստանի հետ հակամարտությունում ցանկացած խաղաղությունից հետո, նույնիսկ եթե այդ գաղափարը հավանության չի արժանացել բոլոր եվրոպական դաշնակիցների կողմից:
Նա հայտնել է, որ ոչ բոլոր երկրներն են, որոնք մասնակցել են Փարիզի գագաթնաժողովին՝ ի պաշտպանություն Կիևի, սակայն ցանկանում են մասնակցել Ուկրաինա զորքեր տեղակայելու ծրագրերին։
«Այս ուժերը բրիտանա-ֆրանսիական առաջարկն են, որը ցանկալի է Ուկրաինայի կողմից։ Այս հարցում միաձայնություն չկա, բայց դա անելու համար մեզ միաձայնություն պետք չէ»,- ասել է Մակրոնը՝ հավելելով, որ ֆրանկո-բրիտանական պատվիրակությունը մոտ օրերս կմեկնի Ուկրաինա՝ քննարկելու այդ հարցը և ուկրաինական բանակի ապագա կառուցվածքը։
Նա նշել է, որ ԱՄՆ-ը մնացել է «կենսունակ դաշնակից» Ուկրաինայում, սակայն Եվրոպան պետք է պատրաստ լինի պաշտպանել իր սեփական շահերը։
Մակրոնը հավելել է՝ ԵՄ առաջնորդները հույս ունեն, որ Ամերիկան իրենց կողքին կլինի Ուկրաինայի պաշտպանության հարցում, սակայն պետք է պատրաստ լինեն մի իրավիճակի, երբ նա չի միանա իրենց։
Թարգմանությունը՝ Էմմա Չոբանյանի
