17.07.2026 | 14:53
Պետական միջոցներով վերակառուցված պոմպակայանը դարձել է մասնավոր սեփականություն․ Նոյեմբերյանի համայնքապետի գործը դատարանում է
Թուրքիան արտաքսել է Ստամբուլում հակակառավարական ցույցերը լուսաբանող BBC-ի լրագրողին
Քաղաքականություն
27.03.2025 | 20:13
Թուրքական իշխանություններն այսօր առավոտյան արտաքսել են BBC-ի թղթակից Մարկ Լոուենին՝ մինչ այդ հյուրանոցից ձերբակալելուց և Ստամբուլում 17 ժամ պահելուց հետո։ Այս մասին հայտնում է BBС-ն։
Լոուենը Թուրքիայում էր՝ վերջին օրերի բողոքի ցույցերը լուսաբանելու նպատակով։ Նրան ասել են, որ արտաքսվում է «հասարակական կարգին սպառնալու» համար։
«Սա չափազանց անհանգստացնող միջադեպ է, և մենք կներկայացնենք թուրքական իշխանություններին: Մարկը շատ փորձառու թղթակից է, որը խորը գիտի Թուրքիայի մասին։ Ոչ մի լրագրող չպետք է նման վերաբերմունքի ենթարկվի պարզապես իր աշխատանքը կատարելու համար: Մենք կշարունակենք անաչառ և արդար լուսաբանել Թուրքիայում տեղի ունեցող իրադարձությունները»,- ասել է BBC-ի տնօրեն Դեբորա Թյորնեսը։
Այսօր առավոտյան էլ Լոնդոն ժամանելիս լրագրողը հայտարարել է․ «Կալանավորվել և արտաքսվել այն երկրից, որտեղ ես նախկինում ապրել եմ հինգ տարի, և որի նկատմամբ ես նման ջերմություն ունեմ, չափազանց անհանգստացնող է: Մամուլի ազատությունը և անաչառ հաղորդագրությունները հիմնարար են ցանկացած ժողովրդավարության համար»:
Թարգմանությունը՝ Էմմա Չոբանյանի
