13.03.2026 | 14:57
ԱՄՆ-ը զգուշացնում է իր քաղաքացիներին՝ վերանայել Ադրբեջան ուղևորության ծրագրերը
ԱԺ-ն շարունակում է աշխատանքը. ՈՒՂԻՂ
Քաղաքականություն
27.03.2025 | 10:00
Ազգային ժողովն այսօր շարունակում է քննարկել ՔՊ խմբակցությունից հեռացված անկախ պատգամավոր Հովիկ Աղազարյանին անձեռնմխելիությունից զրկելու հարցը։ Գլխավոր դատախազ Աննա Վարդապետյանը երեկ միջնորդություն ներկայացրեց Աղազարյանին պատգամավորական անձեռնմխելիությունից զրկելու և քրեական հետապնդում սկսելու վերաբերյալ։ Նշենք, որ Հովիկ Աղազարյանին ցանկանում են մեղադրանք առաջադրել երկու հոդվածով։
Տեղեկացնենք նաև, որ խորհրդարանն այսօր քննարկելու է նաև «Պատիվ ունեմ» խմբակցության պատգամավոր Տարոն Մարգարյանին անձեռնմխելիությունից զրկելու հարցը։
Ավելի վաղ Տարոն Մարգարյանը գրառում էր կատարել՝ նշելով, որ իր դեմ հարուցված քրեական գործը համարում է շինծու ու կոչ էր արել «Պատիվ ունեմ» ու «Հայաստան» խմբակցություններին չմասնակցել նիստերին։
Նշենք, որ ընդդիմադիր խմբակցությունները չեն մասնակցելու Տարոն Մարգարյանին անձեռնմխելիությունից զրկելու հարցին։
