28.04.2025 | 23:29
Ատելության խոսքը ոչ միայն Հայաստանում, այլև ամբողջ աշխարհում ամենավտանգավոր երևույթներից է. ՄԻՊ
Գերմանիայի նախագահը պաշտոնապես ընդունել է Շոլցի և նրա կառավարության հրաժարականը
Քաղաքականություն
26.03.2025 | 13:33
Գերմանիայի նախագահ Ֆրանկ-Վալտեր Շտայնմայերը դաշնային կանցլեր Օլաֆ Շոլցին և նրա կառավարության 14 նախարարներին հրաժարականի վկայականներն է հանձնել, գրում է DW-ի ռուսական ծառայությունը։
Արարողությունը տեղի է ունեցել Բեռլինում՝ Բելվյու նախագահական պալատում։
Գերմանիայի Սահմանադրության 69-րդ հոդվածի համաձայն՝ կանցլերը և նախարարները դադարեցնում են աշխատանքը նոր Բունդեսթագի առաջին նիստի գումարման օրը, որը տեղի է ունեցել մարտի 25-ին։ Այնուամենայնիվ, Շտայնմայերը խնդրել է Շոլցին և բոլոր 14 նախարարներին պաշտոնավարել ևս մի քանի շաբաթ։ Այս կարգը նախատեսված է նաև օրենքով։
Կանցլերը և նախարարները կշարունակեն աշխատել՝ մինչև նոր կառավարության ձևավորումը։ Ֆրիդրիխ Մերցը նախապես խոստացել էր այն ձևավորել մինչև Սուրբ Զատիկ՝ ապրիլի 20-ը։
Թարգմանությունը՝ Էմմա Չոբանյանի
