08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Հռոմի պապի բժիշկը պատմել է, որ նա կարող էր մահանալ փետրվարի 28-ին
Քաղաքականություն
25.03.2025 | 19:47
Հռոմի Ֆրանցիսկոս պապը կարող էր մահանալ փետրվարի 28-ին։ Այս մասին Corriere della Sera-ին տված հարցազրույցում հայտնել է նրա բժիշկներից Սերխիո Ալֆիերին։
Նա նշել է, որ Ջեմելի հիվանդանոց ընդունվելուց երկու շաբաթ անց Պապի ինքնազգացողությունը հանկարծակի վատացել է։ Նրա մոտ առաջացել է բրոնխի սպազմ, ինչը հանգեցրել է շնչառական համակարգի վիճակի վատթարացման։
«Առաջին անգամ ես նրա շրջապատի մարդկանցից ոմանց աչքերում արցունքներ տեսա: Մարդիկ անկեղծորեն սիրում են նրան։ Բոլորս էլ գիտեինք, որ իրավիճակն ավելի է վատացել, և վտանգ կար, որ չկարողանա հաղթահարել»,- ասել է բժիշկը։
Այդ պահին պետք էր ընտրություն անել՝ «բա՞ց թողնել նրան», թե՞ փորձել այլ դեղամիջոցներ և բուժում՝ վտանգելով վնասել այլ օրգաններ։ Ի վերջո, Պապի օգնական Մասիմիլիանո Ստրապետտիի համաձայնությամբ բժիշկները շարունակել են բուժումը։
Հռոմի պապը հոսպիտալացվել էր փետրվարին այն բանից հետո, երբ շնչառության կանգ էր արձանագրվել, հիվանդությունը վերաճել էր երկկողմանի թոքաբորբի։ Կաթոլիկ քահանայապետի վիճակը, սակայն, մարտին կայունացել է։
Vatican News-ը մարտի 20-ին հայտնել էր, որ Հռոմի պապը սկսել է աստիճանաբար վերադառնալ աշխատանքի, քանի որ նրա վիճակը բարելավվել է: Նա հիվանդանոցից դուրս է գրվել մարտի 23-ին, սակայն երկու ամիս կպահանջվի հանգստի և լիարժեք վերականգնման համար։
Թարգմանությունը՝ Էմմա Չոբանյանի
