Ռոստեխնադզորի աշխատակից Արսեն Մնացականովը մեղադրվում է պետական դավաճանության և Կիևի օգտին աշխատելու մեջ

ՌԴ Անվտանգության դաշնային ծառայությունը (ԱԴԾ) Ռոստեխնադզորի աշխատակցին մեղադրել է պետական դավաճանության մեջ (Քրեական օրենսգրքի 275-րդ հոդված): Անցյալ շաբաթ Մոսկվայի Լեֆորտովոյի շրջանային դատարանը նրան նախնական կալանքի է ուղարկել քննչական մեկուսարան, գրում է Current time-ը։

Մամուլի հաղորդագրությունում ձերբակալվածի անունը չի նշվում։ «Մեդիազոնա»-ն, սակայն, պարզել է, որ ձերբակալվածը Ռոստեխնադզորի կենտրոնական վարչության լիցենզավորման աշխատանքների կազմակերպման բաժնի խորհրդական, 45-ամյա Արսեն Մնացականովն է։

Ըստ քննիչների՝ 2024 թվականին տղամարդն «ակտիվ կերպով տեղեկատվություն է փոխանցել ուկրաինական կողմին Ռուսաստանի Դաշնության սահմանային տարածքներում արդյունաբերական և էներգետիկ օբյեկտների պաշտպանության ուղղությամբ տարվող աշխատանքների, ինչպես նաև ռուս զինվորականների  տեղակայման վայրի մասին։

VKontakte-ի իր էջում Մնացականովը նշել է, որ սովորել է Մոսկվայի Կուտաֆինի անվան իրավաբանական համալսարանում, 2020 թվականին աշխատել է Ռոստեխնադզորի մոսկովյան գրասենյակում։ Նրա հրապարակված հայտարարագրում նշվում է, որ նա ունի բաժնեմաս բնակարանում և ամսական 21 հազար ռուբլի աշխատավարձ է ստանում։

Արսեն Մնացականովը երկու էլեկտրոնային հասցե ունի: Դրանցից մեկում նա օգտագործել է Ջուլիան Ասանժի լրիվ անունը, իսկ երկրորդն է օգտագործել Պետական ​​ծառայությունների պորտալում գրանցման համար։ Նրա բջջային համարը նշվել է առցանց կազինոյի օգտատերերի տվյալների արտահոսքում։

Թարգմանությունը՝ Էմմա Չոբանյանի