17.07.2026 | 16:27
Շատիվանքի Սբ․ Սիոն եկեղեցու 17-րդ դարի որմնանկարների վերականգնման ընթացքում բացահայտվել են միջնադարյան նոր պատկերներ
Թուրքիայում բողոքի ակցիաների ընթացքում ավելի քան 1100 մարդ է ձերբակալվել
Քաղաքականություն
24.03.2025 | 17:34
Ստամբուլի ընդդիմադիր քաղաքապետ Էքրեմ Իմամօղլուի ձերբակալությունից հետո տեղի ունեցած ցույցերի ընթացքում, մարտի 19-ից մարտի 23-ն ընկած ժամանակահատվածում, ձերբակալվել է 1133 կասկածյալ։ Այս մասին հայտարարել է Թուրքիայի ՆԳ նախարար Ալի Երլիքայան, գրում է Turkiye today-ը։
«Ձերբակալվածների թվում հայտնաբերվել են 12 տարբեր ահաբեկչական կազմակերպությունների հետ կապ ունեցող անձինք։ Բողոքի ցույցերի ընթացքում տուժել է 123 ոստիկան։ Իշխանություններն առգրավել են քարեր, փայտեր, հրավառության նյութեր, «Մոլոտովի կոկտեյլներ» կացիններ և դանակներ։ Դատական գործընթացները շարունակվում են նրանց դեմ, որոնք հարձակվել են ոստիկանների վրա, վնասել են հանրային գույքը և սպառնացել հանրային անվտանգությանը»,- նշել է պաշտոնյան։
Հիշեցնենք, որ Թուրքիայի ոստիկանությունն այսօր վաղ առավոտից խուզարկություններ է իրականացրել տարբեր հասցեներում։ Ձերբակալվել են լրագրողներ, տարբեր քաղաքական կուսակցությունների ներկայացուցիչներ, հանրային գործիչներ։
Թարգմանությունը՝ Էմմա Չոբանյանի
