17.07.2026 | 16:27
Շատիվանքի Սբ․ Սիոն եկեղեցու 17-րդ դարի որմնանկարների վերականգնման ընթացքում բացահայտվել են միջնադարյան նոր պատկերներ
Վրաստանի նախագահը ՍԴ-ից հետ է կանչել Զուրաբիշվիլիի ներկայացրած «օտարերկրյա գործակալների» օրենքի դեմ հայցը
Քաղաքականություն
24.03.2025 | 15:28
Վրաստանի նախագահ Միխայիլ Ղավելաշվիլին որոշել է հրաժարվել Վրաստանի հինգերորդ նախագահ Սալոմե Զուրաբիշվիլիի կողմից ներկայացված սահմանադրական հայցից, որը պահանջում էր չեղյալ համարել «օտարերկրյա գործակալների մասին» օրենքը («Օտարերկրյա ազդեցության թափանցիկության մասին»), գրում է Эхо Кавказа-ն։
««Օտարերկրյա ազդեցության թափանցիկության մասին» Վրաստանի օրենքը հիմնված է թափանցիկության և հաշվետվողականության սկզբունքների վրա, ինչը նպաստում է Վրաստանի պետականության հիմնական սկզբունքին՝ երկրի ազգային ինքնիշխանության և նրա կայուն զարգացմանը պաշտպանելուն։ Օրենքը միտված է հասարակությանն առավելագույնս ամբողջական տեղեկատվություն տրամադրելու արտաքին ուժերի շահերը ներկայացնող կազմակերպությունների ֆինանսավորման ծագման մասին։ Ըստ այդմ, Վրաստանի նախագահ Միխայիլ Ղավելաշվիլին որոշել է հրաժարվել սահմանադրական պահանջից»,- ասվում է նախագահի աշխատակազմի մամուլի ծառայության հաղորդագրությունում։
Բացի Սալոմե Զուրաբիշվիլիից՝ Սահմանադրական դատարան հայցեր են ներկայացրել ընդդիմադիր պատգամավորները, ինչպես նաև հասարակական կազմակերպությունների և լրատվամիջոցների ներկայացուցիչներ։ Այնուամենայնիվ, 2024 թվականի հոկտեմբերին դատարանը չի կասեցրել «օտարերկրյա գործակալների» մասին օրենքը և պետք է սկսի քննել հայցերն ըստ էության։
Հիշեցնենք, որ Զուրաբիշվիլին, վրացական ընդդիմությունը և հասարակության մի մասը չեն ճանաչում Ղավելաշվիլիի լեգիտիմությունը։
Թարգմանությունը՝ Էմմա Չոբանյանի
