17.07.2026 | 16:27
Շատիվանքի Սբ․ Սիոն եկեղեցու 17-րդ դարի որմնանկարների վերականգնման ընթացքում բացահայտվել են միջնադարյան նոր պատկերներ
Մարկո Ռուբիոն վաղը Վաշինգտոնում կընդունի Թուրքիայի ԱԳ նախարարին
Քաղաքականություն
24.03.2025 | 13:59
ԱՄՆ պետքարտուղար Մարկո Ռուբիոն երեքշաբթի՝ մարտի 25-ին, Վաշինգտոնում կընդունի Թուրքիայի ԱԳ նախարար Հաքան Ֆիդանին, հայտնում են թուրքական լրատվամիջոցները։
Նշվում է, որ Ռուբիոյի և Ֆիդանի հանդիպման օրակարգը դեռևս հայտնի չէ, սակայն ակնկալվում է, որ կողմերը կքննարկեն Մերձավոր Արևելքում վերջին իրադարձություններն ու ռուս-ուկրաինական պատերազմը:
Թուրքիայից վերջին անգամ բարձր մակարդակով Թուրքիայից ԱՄՆ այց էր կատարվել 2024 թվականի սեպտեմբերի 23-ին։ Սա կլինի Թուրքիայից բարձրաստիճան պաշտոնյայի առաջին այցը Թրամփի նոր վարչակազմի օրոք։ Օրերս էլ ԱՄՆ և Թուրքիայի նախագահներ Դոնալդ Թրամփի ու Ռեջեփ Թայիփ Էրդողանը հեռախոսազրույց էին ունեցել։
Թուրքիայի նախագահ Ռեջեփ Թայիփ Էրդողանն ԱՄՆ նախագահ Դոնալդ Թրամփի պաշտոնավարման առաջին ժամկետի ընթացքում բարդ հարաբերություններ է ունեցել Վաշինգտոնի հետ։ Թուրքիայի կողմից ռուսական C-400 հակաօդային պաշտպանության համակարգերի գնման պատճառով ԱՄՆ-ը Թուրքիային հեռացրել է F-35 ծրագրից։
Թարգմանությունը՝ Էմմա Չոբանյանի
