08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ռիադում տեղի է ունեցել ԱՄՆ-ի և Ուկրաինայի պատվիրակությունների հանդիպումը
Քաղաքականություն
24.03.2025 | 10:32
Ուկրաինական և ամերիկյան պատվիրակությունները նախօրեին հանդիպում են անցկացրել Սաուդյան Արաբիայի մայրաքաղաք Էր Ռիադում։ Կողմերի միջև զրույցը կառուցողական է եղել։ Այս մասին սոցցանցերում հայտնել է Ուկրաինայի պաշտպանության նախարար Ռուստեմ Ումերովը, հայտնում է РБК-Украина-ն։
«Զրույցը եղել է կառուցողական և բովանդակալից։ Մենք քննարկել ենք առանցքային հարցեր, մասնավորապես, էներգետիկայի ոլորտում»,- նշել է նա։
Ումերովն ասել է, որ Ուկրաինայի նախագահ Վլադիմիր Զելենսկիի խնդիրն է՝ հասնել արժանապատիվ և տևական խաղաղության պետության, ժողովրդի և, հետևաբար, ամբողջ Եվրոպայի համար։
«Մենք աշխատում ենք, որպեսզի սա իրականություն դառնա»,- եզրափակել է նա։
Հանդիպումից առաջ Ումերովը գրել էր, որ բանակցությունների սեղանին են էներգետիկ օբյեկտների ու ենթակառուցվածքների անվտանգության վերաբերյալ առաջարկներ։
Նախօրեին ավելի վաղ հանդիպմանը նաև Ուկրաինայի նախագահ Վլադիմիր Զելենսկին էր անդրադարձել։
«Այսօր Սաուդյան Արաբիայում ուկրաինական և ամերիկյան թիմերի երկրորդ հանդիպումն է։ Այս անգամ այն ավելի տեխնիկական մակարդակի է՝ մեր զինվորականները, դիվանագետները, էներգետիկայի նախարարության ներկայացուցիչները»,- նշել էր Զելենսկին։
Ըստ նրա՝ հանդիպումը հասցրել է քննարկել Ուկրաինայի պաշտպանության նախարարության ղեկավար Ռուստեմ Ումերովի հետ։
«Նա ինձ զեկուցեց հանդիպման, բանակցությունների ընթացքի մասին։ Մեր թիմը բացարձակապես կառուցողական է աշխատում, խոսակցությունը բավականին օգտակար է։ Պատվիրակությունների աշխատանքը շարունակվում է»,- ասել է Ուկրաինայի ղեկավարը։
Այսօր Սաուդյան Արաբիայում նաև սպասվում է ԱՄՆ-ի և ՌԴ-ի պատվիրակությունների հանդիպումը։
Թարգմանությունը՝ Էմմա Չոբանյանի
