08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Հայաստանը ստիպված կլինի պատժամիջոցներ կիրառել ՌԴ-ի դեմ, եթե անդամակցի ԵՄ-ին. Շոյգու
Քաղաքականություն
20.03.2025 | 18:44
Հայաստանի անդամակցությունը Եվրամիությանը կնշանակի անհրաժեշտություն՝ միանալ հակառուսական պատժամիջոցներին և զենք մատակարարել Ուկրաինային։ Այս մասին հայտարարել է ՌԴ Անվտանգության խորհրդի քարտուղար Սերգեյ Շոյգուն, գրում է ՏԱՍՍ-ը։
«Հայաստանը ստիպված կլինի միանալ եվրոպական պատժամիջոցներին և Եվրամիության ռազմաքաղաքական որոշումներին, այդ թվում՝ այնպիսի գործիքների շրջանակում, ինչպիսիք են ԵՄ ընդհանուր անվտանգության և պաշտպանության քաղաքականությունը, ինչպես նաև Խաղաղության եվրոպական հիմնադրամը։ Այդ հիմնադրամը ֆինանսապես աջակցում է Ուկրաինայի նացիստական ռեժիմի զինված ուժերին»,- լրագրողների հետ զրույցում հայտարարել է նա։
Շոյգուն ասել է, որ Եվրամիությանը հնարավոր անդամակցության դեպքում Հայաստանը ոչ միայն տնտեսական խնդիրների կբախվի, այլև ստիպված կլինի միանալ հակառուսական պատժամիջոցներին, Բրյուսելը կպնդի այդ հարցում։
Նա նշել է, թե, իբր, այդ քայլերն ուղղված են լինելու ոչ միայն Ռուսաստանի և Բելառուսի, այլ նաև Իրանի դեմ, որի հետ Հայաստանի ապրանքաշրջանառությունը 2024 թվականի վերջին կազմել է ավելի քան 737 մլն դոլար։
Թարգմանությունը՝ Էմմա Չոբանյանի
