08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Ուշակովը հայտնել է, որ ՌԴ-ի և ԱՄՆ-ի ներկայացուցիչների հանդիպումը տեղի կունենա Ռիադում մարտի 24-ին
Քաղաքականություն
20.03.2025 | 17:30
Ռուսաստանի և ԱՄՆ-ի ներկայացուցիչների միջև Ուկրաինայի հակամարտության շուրջ բանակցությունները կկայանան մարտի 24-ին Էր Ռիադում։ Այս մասին հայտնել է ՌԴ նախագահի օգնական Յուրի Ուշակովը, գրում է Իզվեստիան։
Նա նշել է, որ ԱՄՆ-ի հետ փորձագիտական խմբերի խորհրդակցություններում ռուսական պատվիրակությունը կգլխավորեն Դաշնային խորհրդի միջազգային հարաբերությունների հանձնաժողովի նախագահ Գրիգորի Կարասինը և Անվտանգության դաշնային ծառայության (ԱԴԾ) ղեկավարի խորհրդական Սերգեյ Բեսեդան։
«Սրանք իսկապես փորձառու բանակցողներ են, որոնք քաջատեղյակ են միջազգային հարցերին»,- նշել է նա։
Ուշակովը հույս է հայտնել, որ առաջիկա խորհրդակցություններն արդյունավետ կլինեն։
Բացի այդ, ՌԴ նախագահի օգնականը հաստատել է նախօրեին ԱՄՆ նախագահի Ազգային անվտանգության հարցերով խորհրդական Մայքլ Ուոլցի հետ ունեցած զրույցի լուրը։ Նա նշել է, որ իրենք պարբերաբար շփվում են, և շփումները «շատ օգտակար» են երկու կողմերի համար։
Հիշեցնենք, որ նախօրեին էլ Ուոլցն էր հայտնել Ուշակովի հետ տեղի ունեցած հեռախոսազրույցի մասին։
Թարգմանությունը՝ Էմմա Չոբանյանի
